New Delhi, Jul 25: Sonibar salo Dharmendra Pradhan, Union Education Minister-ni kamoni ong·kataha. NEET porikkani question paper leak ong·ako man·chape, India a·song gimiko porikka seanirango dingtang dingtang neng·nikanirangko man·ani a·sel uko kamtangko watgalchina chatro chatrirangni antisana dabie jegalaniko daka ja·man ua kamko watgalaha.
Dharmendra Pradhan, uni resignation ba kam watani chittiko India-ni Prime Minister Narendra Modi-na on·eaha. Chatro chatrirang aro chadambe dolrang, sorkariko porikka seanio neng·nikanirangko man·anina daito-ko ra·an baksana porikkarangko ong·atanio dal·a dingtangataniko ra·baako nangnike, Dharmendra Pradhan-ni Union Education Minister ong·aniko watgalchina ru·uta somoirangna dabianiko dakangaha.
Adita salrangna skang mangmang, Prime Minister Narendra Modi, chatro chatrirang aro ma·a parang baksa agangrikanirangko dakangenba, India-ni porikka ong·atani niamo manderangni ka·donganiko ra·bapilna gita sorkari kamrangko ka·anggen ine aganangaha. Sukrobar salo, porikkarango neng·nikaniko ra·baanio bak donggipa National Testing Agency (NTA)-ni sak 42 official-rangko ra·gale, paper leak ong·ani bidingo am·sandianirangko a·bachengate dal·a dingtangataniko ra·baani bidingo sorkari parakataha.
Jegalaniko dakenggipa chatro chatrirang, Dharmendra Pradhan-ni kam wataniko rimchaksoengon, uamang porikka ra·anirangko mikkang nitea aro donua gri baksana lekka pora bida aro chadambe manderangna kamrangko on·anio nambata niamrangko ra·baja dipetde jegalaniko dakangkugen ine uamang u·iatha.
Songsalni namgnina kamko ka·enggipa Sonam Wangchuk, lekka porani bidingo dingtangataniko ra·bana agan-golpogrikaniko dakna sorkarini ku·rachaka ja·man uni okgimu chakaniko dontongatahaoba, chong·motgipa dingtangataniko ra·bakuja dipetde chatro chatrirang jegalaniko dakangkugen ine aganangaha.
Dharmendra Pradhan, 2021 bilsioni Education Minister ong·baengachim. Ua National Education Policy baksana gipin college-o gital namdapatani niamrangko dilangaha. Indiba, batanggimin jarangni gisepo uni National Exam ba a·song gimikni porikkarangko ong·atanio bang·a neng·nikanirangko nikna man·aha.
Ia chatro chatrirangni jegalaniko dakanio, opposition baksana gipin dolrangba chakpaaniko on·angaha. Uamang parliament-o kam ka·anirangko dontongatenba, gipin a·songrangni gisik on·anikoba man·aha.
Na·simang iakoba nina man·gen:
Na·simang iakoba poraina man·gen: National Buyer-Seller Meet-o me·chik dake rike cha·giparang Salgro Salaram jolo tarigipa bosturangko mesokanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
