Imphal, July 26: National People’s Party (NPP)-ni President aro Meghalaya a·dokni Skotong Minister Conrad K. Sangma, ru·uta bilsirangna so·so jengjeng ong·enggipa a·doko pangkamgipa tom·tomaniko ra·bapilna gitade, Manipur-o songdongenggipa dingtang dingtang jatrangni gisepo ka·donganiko ra·bapilanian mongsonggipa ja·ku de·ani ong·a ine aganangaha.

Sangma, Manipur a·dokona salgnina songreanga ja·man, agan-golpogrikaniko dakjringa baksana a·doko donggipa pilak jatrangni gisepo ku·monggrikanichisa tom·tomaniko man·a gita amgen ine u·iataha.  Iani gisepon, chadambe manderangna kamrangko nakatatan baksana tangka paisa man·gnirangko namdapatachisa ramram janggi tanganiko ra·bapilna gita man·gen ineba ua janapataha.

NPP, Internally Displaced Persons (IDPs)-rangni chagrongna nangenggipa neng·nikanirangko uamang ma·mong aro Manipur-ni sorkari baksa agangrikaniko dakenga ine Sangma u·iatangaha. Uamangni party, nangchakea man·gipa manderangna nangan bosturangko on·e aro apjitata man·gipa manderangko noktangtangona naljoke re·angpilna dakchakaniko on·a gita kamrangko ka·angkugen ine ua aganangaha. Uni re·angani somoio ua, Imphal-o NPP-ni gital State office-ko nokdonggae on·angan baksana party-ni dilgiparang aro kam ka·giparangko grongjolangenba, Manipur a·dokni Skotong Minister Yumnam Khemchand Singh, baksa a·dokni namroro silroroani aro party-ni gimin chanchirimanikoba dakangaha.

NPP dol, party-ni miksonganirang, niamrang aro ong·baaniko ja·rike re·baenggipa Manipur Assembly election-o jakgitel ong·e susaaniko dakanggen ineba ua agandapangkuaha.

Na·simang iakoba nina man·gen: 

Na·simang iakoba poraina man·gen: Dharmendra Pradhan Education Minister-ni kamko watgala

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub