Shillong, July 25: Sonibar salo, Meghalaya a·dok sorkari, World Championships of Performing Arts (WCOPA) 2026-ko chegipa Kitkupar Nongsiej-ko Las Legas-o India-ni palo re·ange pilak a·songrangni gadango susaanio chu·sokaniko man·ahanina jinma rimchaksoaniko dakangaha.
Ia rimchaksoani tom·bimonganiko, Directorate of Sports and Youth Affairs aro Don Bosco Media Network Television (DBMN TV)-ni gita Meghalaya a·dok sorkari ong·atangaha. Sak ritcha-ni ritcha jinma manderang uko mande ra·na gita Police Bazar-ona tom·batokaha. Guwahati Airport-o uko skanggipa rimchaksoaniko daka ja·man, Meghalaya a·dok sorkari uko Shillong songjinmao rimchaksoaniko dakangskaaha.
Directorate of Sports and Youth Affairs-ni Acting Director Paia War Nongbri, Meghalaya a·dokni chadambe sakantinan Nongsiej didianiko ra·bagipa saksa ong·a ine ua aganangaha. Nongsiej, uni ia chu·sokaniko man·a gita dakchakaniko on·gipa Meghalaya a·dokni Skotong Minister Conrad K. Sangma, a·dok sorkari, DBMN TV, uni nokdangni manderang aro una chakpaaniko on·giparangko de·mitelataha.
Ia rimchaksoani program-ko ong·atanio, DBMN TV-ni Managing Director Fr. Michael Makri, Sur Kynud Season 4-o chegipa Shellevah N. Jyrwa, Britain’s Got Talent-ni audition-na bimungtangko segatataha ine parakataha. Bebe gita ia audition-na ua seokako man·a ong·ode, ia bilsini October jao ua United Kingdom-ona songreanggen ineba ua janapataha. Nongsiej-ni WCOPA 2026-o chu·sokgipa ong·aniara, a·doko doka dam·anina gisiko nanggipa dolrangna namen rasong chabeani ong·a aro ian Salgro Salaram jolo donggipa bang·a chadambe git ring·na namnikgiparangna didiani ong·gnok ine Meghalaya a·dok sorkari aganangaha.
Na·simang iakoba nina man·gen:
Na·simang iakoba poraina man·gen: WGH-o me·chik saksako buringni mongma kal·ake so·ota
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
