Williamnagar, Sept 29: B.Ed Study Centre ko Green Yard Higher Secondary School-o Gurukul College of Education ni dakchakanichi September ni 29 tariko oprakaha. Ia oprakanio Gorukol College of Education ni Principal Secretary Dr. Basirudin Ahmed aro Gurukol College of Education ni Administrator Ma Sushmita Guhu Takurata, East Garo Hills District School Education Officer Pa Ricky D. Shira, Green Yard School ni Managing Committee aro dingtang dingtang school ni skigiparang ni dongpa⋅anio is Study Centre ko oprake on⋅angaha. Ia B.Ed study centre-o poarainagita komibeoba Schedule Tribe/Schedule Caste rang 45% ko man⋅a nanggen aro General rang de 50% ko man⋅a nanggen in⋅e school ko chalaigiparang uiataha.