Tura, Sept 29: National Institute of Technology (NIT) Meghalaya-ni changchetgipa bilsini Convocation-ko September-ni 1 tariko internet gita ong•atgen aro ia convocation-ko ong•atanio Union Education Minister Dharmendra Pradhan, mongsonggipa sokgipa ong•e bakko ra•anggen ine kobor on•aha.
Ia NITM-ko 2010 bilsio Parliament-ni NIT Act 2007-o pangchake India sorkarini Education Ministry-ni dakchakanichi a•bachengahachim aro ia institute-ko a•bachengani somoio Shillong-o temporary campus dake a•bachengahaoba da•o ia institute-na permanent campus-ko Sohra-o matchotangengaha. Ia NITM-o da•o dipet Computer Science & Engineering, Electronics & Communication Engineering, Electrical Engineering, Civil Engineering aro Mechanical Engineering-o B.Tech aro M.Tech-ko on•enga aro unbaksana Physics, Chemistry aro Mathematic-o M.Sc course-rangko aro Engineering, Sciences, Mathematics aro Humanities-o Ph.D program-rangkoba on•enga.
Ia NITM-ni changchetgipa Convocation-ko ong•atanio sak 19 Ph.D, sak 34 M.Tech, sak 37 M.Sc aro sak 124 B.Tech chatro chatrirangna degree-rangko on•angan baksana Shillong Chamber Choir-ni dilgipa Neil Herbert Nongkynrih-na Ph.D Degree-ko on•e mande ra•pilskaaniko dakanggen.
Ia convocation program-ko www.nitm.ac.in website-o aro YouTube channel-oba live nisona man•gen ine u•iataha.
