Ampati, Jun 22: Sombar salo, Salmanpara constituency-ni MLA aro South West Garo Hills (SWGH) District Planning & Development Council (DPDC)-ni Chairman Ian Botham K Sangma-ni dilanichi, DPDC-ni tom•aniko Ampati Circuit House-o ong•atangaha aro ia tom•anio, Rangsakona-ni MLA aro DPDC-ni Member Subir M Marak baksana dingtang dingtang department-ni officer-rangba bak ra•angaha.
Ia tom•aniko ong•atani mongsonggipa miksonganide, Annual Plan 2026-2027-ni ning•o State Scheme-rangni chu•sokaniko nipilanian ong•aha aro ia tom•anio dingtang dingtang department-rang, an•tangtangni jako ra•e ka•enggipa scheme-rangni gimin DPDC-ni dilgiparangna agan-talate on•angaha.
South West Garo Hills a•jana 2027-2028 bilsini Draft Annual Plan-ko tariani bidingo chanchirimengon, dingtang dingtang department-rang, mikkang bilsiona department-ni nanganirang aro chamsogimin scheme-rangni bidingo DPDC-ni dilgiparangna agan-talate on•angtokaha.
Ia tom•anio, Salmanpara constituency-ni MLA aro DPDC-ni Chairman Ian Botham K Sangma, dingtang dingtang department-ni officer-rangna aganprakengon, pilakni gitan namroro silroroaniko ra•bana gita kamrangko somoi gita matchotatchina, tangka paisarangko jakkalanio hisap rakkichina aro kamrangko nirokjringchina agan-ku•pattianirangko on•angaha.
Na·simang iakoba nina man·gen:
Na·simang iakoba poraina man·gen: Dibrugarh-ni DC office gate-o mande saksani sonani chain-ko ra•seke kata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
