Shillong, Jun 22: Robibar salo, Laitlyngkot songni ka•mao mongsonggipa rama be•wakani a•sel Shillong-oni Dawki-ona dakanggipa rama champengatako man•na nangahani gimin Sombar salo, Meghalaya a•dokni Deputy Chief Minister aro PWD Minister Prestone Tynsong, nina re•angaha.

Tynsong baksa, Sohra-ni MLA Gavin Mylliem, East Khasi Hills a•jani Deputy Commissioner Abhilash Baranwal, Revenue & Disaster Management-ni Commissioner & Secretary Matsiewdor War Nongbri, PWD-ni Secretary Bibat Syiem, East Khasi Hills a•jani Superintendent of Police (SP) Vivek Syiem, NHAI-ni official-rang aro Shillong-Dawki ramako tarienggipa company-ni manderangba dongpaaha.

Be•wakanggipa ramarangko niangani ja•man a•dokni Deputy Chief Minister, Laitlyngkot-ni Inspection Bungalow-o tom•aniko ong•atenba, manderangna re•ruraani cholrangko on•ani bidingo official-rang baksa chanchirimangaha.

Ia rama be•wakangahani a•sel ia rama gita re•a doani cholrang dongjahani gimin gari gora aro manderangni re•ruraanirangko champengatchengna gitaba ia tom•anio tik ka•angaha.

Tom•a matchotani ja•man a•dokni Deputy Chief Minister aro PWD Minister, kobor ra•timgipa manderang baksa agangrikengon, ia rama dal•en be•wakahani gimin ramako taripilna gita adita somoirangkode nangaignok indiba ro•ong quarry sambao donggipa rama gita Laitkynsew-ona dakanggipa rama dongani gimin ia ramako tarina man•kujaskal, dingtang rama gita manderangna re•rurana on•skana tik ka•angaha ine parakataha.

Ramako ta•raken taripilna gita pilak nanga kamrangko ka•china ua, PWD aro National Highways & Infrastructure Development Corporation Limited (NHIDCL)-koba ge•etangaha.

Na·simang iakoba nina man·gen: 

Na·simang iakoba poraina man·gen: SWGH-o District Planning & Development Council-ni tom•aniko ong•ata

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub