Shillong, Oct 28: Sukrobar salo, ‘Meghalaya Celebrating Entrepreneurs’ program-ko Shillong songjinmani State Convention Centre-o ong•atangaha aro ia program-ko ong•atanio a•dokni bading chiwalgipa manderangna Meghalaya a•dokni Chief Minister Conrad K Sangma-ni jakchi mande ra•pilskaaniko dakangaha. Ia program-ko ong•atanio IFAD-ni Country Program Officer Meera Mishra aro gipin official-rangba dongpae bak ra•angaha.
Today we celebrate our entrepreneurs of our grassroots programs under M-LAMP, FOCUS & @meghtourism.
We are so glad that the funds through our programs have sparked their entrepreneurial spirit & have made significant impact in the lives & livelihoods of our people@dpradhanbjp pic.twitter.com/SGDnl7IR8S
— Conrad Sangma (@SangmaConrad) October 28, 2022
Ia program-ko ong•atanio a•dokni Chief Minister, tom•anio bak ra•giparangna aganprakengon, Meghalaya a•dokko India a•songo nambatsranggipa a•dokrangoni damsa ong•atna niksamsoani gnangsa chadamberangna, me•chikrangna, game ge•e cha•giparangna aro bading chiwalgiparangna dingtang dingtang program-rangko sorkari a•bachengataha ine parakataha.
Songadam nokadamrango game ge•e cha•giparang aro bading chiwalgiparang baksa kamko ka•na aro dakchake on•na gita cooperative society aro producers group gita dakgipa dolrangko nangchongmota ineba Sangma aganaha.
Game ge•e cha•giparangni game ge•e man•gipa bosturangko ra•chimonge nambata damo pale on•na gita bading chiwalgiparangan ong•skaa ineba Chief Minister aganaha.
“Sorkaride cholko on•timgipa gitasan ong•aia aro songo noko game ge•e cha•giparang, bading chiwalgiparang aro dingtang dingtang kamko ka•e cha•enggipa manderang an•tangtangan kamkode chalaina nanga,” ine ua aganaha.
Ia program-ko ong•atanio a•dokni Chief Minister nambatgipa producer group-rangna, songni nokni nambatgipa cooperative society-rangna, nambatgipa collecting centre-rangna aro nambatgipa e•ching tariani karkanarangna cheque-rangko suale on•angjolaha.
