Baghmara, Sep 13: Captain Williamson A Sangma Memorial Football Tournament-ko Bristibar salo, Meghalaya a•dokni Education Minister aro Siju Rongara-ni MLA Rakkam A Sangma, Baghmara-o a•bachengate on•angaha.
Ia robol kal•susaaniko Captain Williamson A Sangma Memorial Committee, Baghmara District Football Association, District Sports Office aro Dabram Cultural Club nangrime, September 12 tarikoni October 25 tarikona ong•atenga aro ia kal•susaanio gimik dol 32 robol kal•giparang bak ra•enga.
Ia tournament-ko a•bachengatani salo, Rangasora FC aro Baghmara DEF (Police) dolrangni gisepo kal•susaangaha aro ia kal•susaanio Baghmara DEF Police dol goal 4 aro Rangasora FC goal 3-ko chipe, Baghmara DEF dol chegipa ong•aha.
Ia robol kal•susaaniko Meghalaya a•dokni skanggipa Chief Minister Captain Williamson A Sangma-ko gisik ra•na gita ong•atenga aro ia tournament-ni final ba bon•kamgipa kal•susaaniko October-ni 25 tariko, Capt Sangma-ni siani salko maniani bak gita ong•atangjolgen.
Ia robol kal•susaani ba football tournament-o chegipa dolna gong lak 2 tangkako boksis dake on•anggen.
Na·simang ia video-koba nina man·gen:
Na·simang iakoba poraina man·gen: Congress dolrang Sonapur-o donggipa gipin jatrangko ding•chaoatenga: Assam CM
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
