Shillong, Aug 28: Meghalaya a·doko tourism-ni gita baikamgipa tangka paisa ong·katatani aro manderangko salna man·aniko ong·atna gita tourismni a·bao sorkari gimik gimang Rs 840.29 crore tangkako jakkalaha.
Assemblyo chanchirimanio Tourism Minister Paul Lyngdohni aganani gitade Meghalayao tourisman mongsonggipa krong dotsa gita ong·a, aro tourism-on pangchake sak 50,000 manderangde janggi tangani cholrangko man·enga.
“Tourism-ara kam nakatatgipa aro kam ka·e cha·anirangko bang·atrorogipa ong·a aro uan a·doko tangka paisa man·gniko bariatanio dakchakgen. Uko chu·sokatna gita maikai namgipa gadangni tourismko a·doko ong·atna nanggen uarangko nigrikaha” ine Paul Lyngdoh aganaha.
“Tourismni gita pilak nanganirangko tang·doatna kraa gitan tangka paisa jakkalna nanggen ine a·dok sorkari nikaha. Uni gimin chinga tourismni gita pilakkon nambatatna ia dal·gipa miksonganiko ja·ku ga·aha, aro uko chu·sokatna gita a·dok sorkarini tangka paisakosan ong·ja, ma·mong sorkarini dingtang dingtang schemerangoba pangchakgen” ua agandapaha.
Ia dal·gipa miksonganiko chu·sokatna gita mingsara Meghalaya Eco Tourism Infrastructure Development project ong·a, jean a·palchini New Development Bank-ni dakchakanio ong·a.
Ministerni aganani gitade, RS 730 crore budgetko jako ra·e mongsonggipa tourist biaprango jekai Sohra, Shillong aro Turao namnamgipa rochakani biaprangko tarina miksongenga. Unbaksanaba Meghalayan Age Cave Experience aro Sohra jolo Waterfall Trails-ko namdapatkuna gita Swadesh Darshan 2.0-ni Rs 60.29 crore dakchakaniko man·dapaha. Challenge Based Destination Development-ni ning·o Rs 50 crorekoba Ministry of Tourism-oniko man·soaha.
Songregiparangna dongchakanirangko bang·batatna gitaba Meghalaya Home Stays Schemeni gita PMEGP baksa chapdime 70% subsidy on·enga aro homestay rikgiparangna sakprakna lak 10 tangkako on·enga, jedakode songsalni manderangba tourismko tang·doatanio bak ra·na man·gen ine Minister agandapaha. Ua scheme a·bachengaoni da·o 633 homestayrangna tangka on·manaha.
Iarangni gisepon, July 30 tariko Umtyngar bibrao a·sel ong·ania tourism a·bana namgijagipa ong·aha ine ua aganaha. Touristrangni re·baako HNYF manderangni champenganiko kobor man·on district administration ta·raken rikange kam ka·aha. Touristrangko ua dolni re·bana on·gijako police sokange champengskaaha. Uano HNYFni sak 10 manderangko rim·aha.
Na·simang ia video-koba nina man·gen:
Na·simang iakoba poraina man·gen: BCCI-ni general manager Tura-ni Cricket kal•chakram biapko nianga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
