Williamnagar, July 30: North Garo Hills a·jani Bajengdoba jolrango tourism-ko tang·doatna gita Maslenga Fishing Group, dingtangmancha milsi pesusaaniko re·baenggipa August-ni 5 tariko, Bajengdoba-ni Dobakol-o ong·atenga.

Ia milsi pesusaaniko National Highway sambao donggipa Bildeng Wario ong·atenga aro milsi pesusaanio pilak biaprangonin manderang re·ange bakko ra·ena gita man·gen ine Masleng Fishing Group-ni dilgipa Breniar T Sangma, Hub News-na parakataha.

Sangma-ni u·iatani gitade, ia milsi pesusaanio skanggipa ong·e chegipana gong lak 5-ko, gnigipana gong lak 3-ko aro gittamgipana gong lak 1.50-ko boksis dake on·anggen.

Iana agreba, milsi pesusaanio bak ra·gipa manderangna ming 45 consolation prize-rangba donggen ine Sangma parakataha.

Ia milsi pesusaaniko ong·atani bidingo talate on·angengon, Bildeng Warini nitoaniko a·gilsakna mesoke mikkangchi ia biaprangona gipin biaprangoni manderangko salbana miksonganio ia fishing competition ba milsi pesusaaniko ong·atenga ine Maslenga Fishing Group-ni dilgipa parakataha.

Ia Bildeng Wario chijongrangba donga ine talataniko on·angengon, milsi pesusaanio bak ra·gipa manderangoni maibakae chijongrangko rim·na man·genchimode, chijongko wario watpilna gita nanggen indiba ua mandena uni entry fee-ko uamang on·pilskagen ine Sangma parakataha.

Ia program-na uamang dingtangmancha quintal 8-na baten na·tokrangko watsoaha ineba ua parakataha.

Iakoba poraie nina man·gen: Assam-ni gital Assembly building-ko Lok Sabha Speaker nokdonggae on·a

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub