Shillong, Mar 7: West Garo Hills a•jani Baljek Airport-ona komibeoba 20 seater aircraft ba ge 20 seat donggipa sildorengko ra•bana aro Umroi Airport-ko dal•batatna gita Sukrobar salo, Meghalaya a•dokni Chief Minister Conrad K Sangma, ku•rachakaniko on•angaha.
Assembly-ni question hour-o sing•anirangna aganchakaniko on•angengon, Umroi airport-ko dal•batatanichi aro Baljek Airport-ko chalaina a•bachengatanichi sildorerangrango manderangni songre songgabataniko nambatatna sorkari krenge kamko ka•enga ine Chief Minister aganaha.
Chief Minister-ni aganani gitade, Baljek Airport-ko chalaiani bidingo agan-chanchrimanirang matchotangengaha aro 2026 bilsiode Baljek Airport-oni sildorerangrangko watna ka•dongenga.
Baljek Airport-o dal•dalgipa sildorengrangko bilatna man•na gita runway-ko bakrodapatna miksonganirang dongama ine Nongthymmai-ni MLA Charles Pyngrope-ni sing•anina aganchakaniko on•angengon, da•o dipet Baljek Airport-o dal•dalgipa sildorengrangko jakkalna cholrang dongkujaenga ine nikahani gimin ia airport-o komibeoba ge 19 ba ge 20 seat-rang donggipa sildorerangchi a•bachengatna miksongenga ine Chief Minister aganaha.
Iana skang, Baljek Airport-ko bilsi 17-ni ja•manba chalaina man•kujaenga ine Dadenggre-ni MLA Rupa Marak-ni sing•anina aganchakaniko on•angengon, ia airport-o komibeoba ge 19 ba ge 20 seat donggipa sildorengrangko jakkalna a•dok sorkari, Airports Authority of India (AAI) baksa agangrikengaha ine a•dokni Deputy Chief Minister aro Transport Minister Sniawbhalang Dhar parakataha.
Na·simang ia video-koba nina man·gen:
Na·simang iakoba poraina man·gen: Consultant-rangni namgipa kamrangchisa cr 2400-ko M’laya-ona man•baaha ine CM a•kanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
