Shillong, Mar 7: Consultant ba agan-ku•pattie on•gipa manderangni kamrangni a•selsa batanggimin bilsisnini gisepo gong crore 7,427-na batgipa project-rangko Meghalaya a•dokona man•baaha aro Meghalaya Economic Growth Corridor-na ma•mong sorkari, gong crore 2400-koba chame on•aha ine Sukrobar salo, Meghalaya a•dokni Chief Minister Conrad K Sangma parakataha.
Dingtang dingtang kamrangna agan-ku•pattie on•giparangko sorkarini rakkienganina aro agan-ku•pattie on•timgipani kamna joltangni chadamberangkon skie on•na nangengani gimin Opposition membor-rangni janapahani gimin Chief Minister, ia kattarangko Assembly-o aganaha.
Chief Minister-ni parakatani gitade, da•o dipet sak 39 consultant-rangko aro dol 69 consultancy company-rangko a•dok sorkari, dingtang dingtang kamrango agan-ku•pattie on•na rakkienga.
Iani bidingo talataniko on•angengon, ia agan-ku•pattie on•gipa manderang aro dolrangni kamrangni a•selsa batanggimin bilsisnini gisepo, gipin a•songrang baksa susagrike ming 13 Externally Aided Project (EAP)-rangko sorkari man•bae on•na man•aha ine Sangma aganaha.
Gong crore 132-ni Utility Mall project-na Meghalaya a•dokan proposal-ko on•chenggipa ong•aha aro ia mall-ko a•dokni chadamberangan chalaina sienga ineba Chief Minister aganaha.
Na·simang ia video-koba nina man·gen:
Na·simang iakoba poraina man·gen: Tura-ko Winter Capital songchina dabianiko GH-ni MLA-rang namnikpaa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
