Shillong, Mar 7: Tura-ko Winter Capital songchina dabianiko Garo Hills-ni bang•bata MLA-rangan ra•chaktokaha indiba iani bidingo Opposition dolni dilgipa Mukul Sangma-ni resolution ra•baanio bakrimaniko on•na jechakskaaha.
Tura-ko Winter Capital songchina dabienggipani bidingo chanchirimna gita Opposition dolni dilgipa Mukul Sangma, Assembly-ona ra•baon, Meghalaya a•dokko man•aoni bilsi 53 gapanio changsaba Opposition-ni ra•bagipa resolution-ko Assembly-o pass ka•a dongkuja ine aganani ja•man MLA-rangoni bang•batan ia resolution-o bakrimaniko on•na jechaktokaha.
Tura-ko Winter Capital songchina dabienggipani bidingo chanchirimna gita Mukul Sangma-ni resolution-ko ra•baani gimin janapangengon, ua saksa Chief Minister, MLA, Meghalaya-o songdonggipa aro A•chik ong•e iani bidingo aganna namen neng•beani ong•a ine CM Conrad Sangma aganaha.
Iani bidingo Assembly-ni Deputy Speaker aro Garo Hills-oni saksa ja•delbatsranggipa MLA Timothy D Shira-ba janapatengon, Tura-ko Winter Capital songna chanchianiara namen nama indiba ua iana political-ni bewalode chakpaaniko on•na man•jawa ine aganaha.
A•bachengonin Tura-o Winter Session-ko ong•atna chanchianisa donga indiba Tura-ko Winter Capital songna miksonganide dongja ineba Shira aganaha.
Ia jera ra•grikanio, Kharkutta-ni MLA Rupert Momin-ba bak ra•angpaengon, Dr Mukul Sangma saksa Assembly-o ja•delbatsranggipa dilgiparangoni saksa ong•e, u¬•ia-ma•sianirang bata aro uni ia resolution-ko ra•baanina ua uko mittela indiba uni resolution-o ua bakrimaniko on•pana man•jawa ine aganaha.
Apsan daken, Mendipathar-ni MLA Marthon Sangma, Rongjeng-ni MLA Jim M Sangma aro Raksamgre-ni MLA Limison D Sangma-ba Tura-ko Winter Capital songchina dabianio chakpaaniko on•angaha indiba iani bidingo resolution ra•baanikode jegaltokskaaha.
Na·simang ia video-koba nina man·gen:
Na·simang iakoba poraina man·gen: 2019 bilsini MTET-o question paper leak ong•anina sak 14-ko rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
