Shillong, Mar 7: 2019 bilsini Meghalaya Teachers’ Eligibility Test (MTET)-ko ong•atanio question paper leak ong•anina gimik sak 14 manderangko police-rang rim•aha ine Sukrobar salo, Meghalaya a•dokni Education Minister Rakkam A Sangma, Assembly-ni question hour-o sing•anirangna aganchakaniko on•aha.
Education Minister-ni parakatani gitade, ia rim•ako man•gipa sak 14 manderangoni sak 11-de chatro chatrirang ba MTET candidate-rang ong•a.
Ia question paper leak ong•anio mongsonggipa ja•pangde program developer aro Guwahati songjinmani NEICOM Impression Printing Press-o kam ka•gipa ong•a ineba Sangma aganaha.
Question paper leak ong•aniko West Garo Hills a•jani Tura Government College-osa nikchengaha ineba ua aganaha.
Mikkangchi iandakgipa a•selrang ong•taijana gita sorkari ja•kurangko de•gen ineba Education Minister, ku•rachakaniko on•angaha.
Na·simang ia video-koba nina man·gen:
Na·simang iakoba poraina man·gen: Ranbir Allahabadia, Guwahati Crime Branch-ona re•bae mikkang pa•ea
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
