Shillong, Sep 19: Ernst & Young (EY)-o ja 6-na kam ka•ani ja•man agre bang•dugae kam ka•na nangachi sinjetaniko man•e bilsi 26 ong•kuenggipa Chartered Accountant, an•tang janggiko gimaatna nangao ga•akaha.
Anna Sebatian Perayil, 2024 bilsini March 19 tariko, EY Pune-o Chartered Accountant-ni post-o kam ka•na join ka•aha.
Uni ma•gipa Anita Augustine, uni demechikgipana kakket bichalko ka•e on•china aro uamangni organization-o kam ka•ani bewalrangko dingatchina dabie, EY India Chairman, Rajiv Memani-na chittiko sedoataha.
“Anga, an•tangni gamchatbegipa degipako gimaatna nange duko ga•akenggipa ma•gipa ia chittiko nangna seatenga, na•simangni EY Pune-o March 19 tariko bakrimaha aro ja 4 ja•man, angni demechik a•gilsakko watangaha ine koborko man•soon a•gilsak gimikan be•jola gita ong•aha. Ua bilsi 26-san ong•kuengpittichim. Una agrepile kam bang•e on•dugaani a•sel aro somoina bate kam ka•na nangani a•sel, uni be•en bimangna aro gisikni gita neng•nikaniko ong•ataha. Na•simang baksa bakrimani ja•mano, ua gisikni gita sinjetaniko aro tua suk ong•gijaniko man•a a•bachengahachim, indiba, gisik nangani aro krenge kam ka•anian chu•sokaniona sokatgen ine uo bebe ra•ani dongani gimin, ua chakchike dangdike on•angaha” ine duko ga•akenggipa ma•gipa chittio janapataha.
Ua demechikgipani CA Convocation-na segipa baksa re•angani salko gisik ra•atpilan baksana, uni demechikgipani ka•tong saaniko aro hospital-o donanikoba janapataha aro ian somoi gita tusina aro cha•na ring•na man•jani a•sel ong•achim ineba janapdapataha.
Ia organization-ni ning•o kam ka•e cha•enggipa bang•an kam bang•dugaani a•sel kamtangko watangrongachim, indake ong•genchimoba uni manager, sakgipinrangni kattako knachakjachina didiskaaha. Uni manager tom•e chanchirimani tarikrangko rang•gitik dingtangatrongachim aro salni bon•kamgipa somoirangosa kamko on•daprongachim. Ua waltinge kamrangko ka•aha aro Sonibar Robibar salrang mangmangoba neng•takna somoikon man•jaha ine Anna ma•gipa matnangataha.
Una agreba, uni demechikgipani siani salo, EY-oni darangba re•bajaha ine aganan baksa, ia dukni salo mangmangba, an•tangni janggiko on•kangpile kam ka•e on•gipa mandeni siani salo na•simangoni darangba duk chakrimpana sokbajaha ineba japataha.
Uni seatgipa chittio, ia company-oni demechikgipana kakket bichalko ka•e on•china aro uni demechikgipani siani a•selko uamang a•kange rachina inenba bon•kame dabiataha.
Na·simang ia video-koba nina man·gen:
Na·simang iakoba poraina man·gen: Sak 2 drug badinggiparangko heroin baksa Jowai-o rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
