Tura, Oct 22: Bangladesh a•songni Sherpur a•jao donggipa Babelakona songo, October 15 tariko bobil dakgipa manderang, A•chik nokdang ge•gniona re•angenba, adita sak manderangko so•otna jotton ka•aha.
Chadrapako man•gipa nokdangni manderangara, Bissonath Mree, uni demechik Eva Mrong, uni jikgipa Somapti Mrong aro Bissonath-ni adagipa Stention Mree ong•achim.
Ia a•selni bidingo talataniko on•angengon, October-ni 15 tariko, bobil dakgipa nokdangni matchu, Stention Mree-ni bagano nape, bagan bario ge•gipa me•su samjakrangko cha•e nosto ka•ahani gimin uamangni matchuko ra•echina Stention-ni demechik, matchu nokgipana aganaton, ia manderang uamangko chadrapna gitasa re•baskaaha aro matchu nokgipani depante, sak 30-mangni gita ripengskarangko rime, Stention aro Bissonath Mree-ni nokdangko chadrapeaha. Indake ong•genchimoba, ua somoio noksul songsulni manderang uamangko dakchakna re•baahani gimin ia manderang ua biaponi re•angpilaha.
Chadrapako man•e ia nokdangni manderang saknaanirangko man•ahani gimin uamangko sanna gita hospital-ona rimangon, uanoba uamang ka•mikkenatako man•e noktangtangona rimbapilna nangaiaha ine kobor on•timgiparang parakataha.
Ia a•sel ong•ani ja•man chadrapako man•gipa nokdangni manderang, police thana-ona re•ange badi ka•eahachim indiba police-rang uamangni badi ka•aniko register ka•na jechakaha ine u•iataha.
Uandaken ia nokdangni manderang, police aro army-rangni dakchakanikoba man•jae, October-ni 20 tariko chatro chatrirangni dol, Tribal-rangni namgnina kam ka•enggipa dol aro uandakgipa dolrang baksa nangrimenba kakket bichalko on•china dabie Soitan Bazar ba Meghadol Bazar-o Human Chain Rally-ko ong•atangaha.
Student Leader Jibon Mrongni aganagitade ia a•selo jak donggipa aro mongsong ong•e dilgipa-ra former Union Chairman aro Bangladesh National Party-ni Leader Abu Raihan Babu-ni bi•sa Shovon Dalbot ong•a.
Indiba iani gimin Hub News Shovon Dalbot-ko sillitinggita singaton, ua rake jechake, iarang pilakan kakket ong•ja aro iara nokdang-ni golmalsanchim ine parakataha.
Na·simang ia video-koba nina man·gen:
Na·simang iakoba poraina man·gen: Gambegre by-election-na BJP-ni ticket-ko Bernard-na on•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
