Ampati, November 22: SI Diganta Hajong-ni dilanio, Zikzak Police Patrolling dolrang, 2024 bilsini November 21 tariko walni 11:42 baji mango, salanti dakrongbewalo gita Zikzak-ni KGBV school sambao donggipa SH-12-o, Assam, South Salmanpara-ni ning•o donggipa Nandia songni bilsi 40 ong•gipa Md. Nur Hussain-ni salenggipa AS-34C-0613 registration number donggipa bolero pick-up gari bolsako dondikate am•sandianiko dakanio, Bangladesh-oni katnapbagiparang ine chanchichipenggipa sak 5 manderangko man•aha.
Ia am•sandianiko dakanio, authority-ni manderang king 5 Aadhar card chong•mot ong•gijagipa, India-ni Airtel sim card baksa mobile phone ge•gniko aro Bangladesh-o tarigipa gingtingni sam aro Lorix cream-ko man•aha. Uamangoniko man•gipa Aadhar card-rangko mAadhar-o nianiko dakon Aadhar chong•mot ong•ja ine u•ina gita man•aha.
Adita sing•sandianirangko dakon, uamang niamgri Meghalaya-ni South Garo Hills a•jani Baghmara sambao donggipa Indo-Bangladesh sima ari gita napbaaha ine ku•chakangaha. U•iatani gitade, uamang Kolkata-o hajira ka•e cha•na miksongenba Gopinathkilla-oni Hatsingimari-ona re•angengachim.
Talbate sing•sandianirangko dakangna gita rim•a man•gipa manderang baksana bolero pick up gariko Zikzak police outpost-ona ra•angaha. Ia pilak ong•a obostarangni bidingo dal•batgipa authority-rangnaba u•iatmanaha.
Rim•a man•gipa Bangladeshi manderangni bimungara –
- Md. Jahangir Ali – bilsi 21
S/o Md. Soibur Rahman
R/o Vill. Char Sikhalipur PO: Char Harishpur PS: Chapai Nawabganj.
District: Rajshahi, Bangladesh.
- Md. Jaidul Islam – bilsi 30
S/o : Md. Enus Ali
R/o Vill. Char Sikhalipur PO: Char Harishpur PS: Chapai Nawabganj.
District: Rajshahi, Bangladesh.
- Md. Durul Ali – bilsi 37
S/o Lt. Entus Ali
R/o Vill. Char Sikhalipur PO: Char Harishpur PS: Chapai Nawabganj.
District: Rajshahi, Bangladesh.
- Md. Maruf Ali – bilsi 19
S/o Md. Sohidul Islam
R/o Vill. Char Sikhalipur PO: Char Harishpur PS: Chapai Nawabganj.
District: Rajshahi, Bangladesh.
- Md. Babu Sheikh – bilsi 22
S/o Md. Sofiqul Islam
R/o Vill. Char Sikhalipur PO: Char Harishpur PS: Chapai Nawabganj.
District: Rajshahi, Bangladesh.
South West Garo Hills-ni Superintendent of Police (SP) Vikash Kumar, iani bingo Foreigners Act-ni ning•o case-ko Mahendraganj Police Station-o segataha inenba u•iatangan baksana rim•a man•gipa bosturang gimikkon jakgitelgipa sakkirangni mikkangon rim•aha ineba parakataha.
SP Kumar, ia am•sandianiko dakaniara Indo-Bangla sima ari jolrango niamgri napsrukbagiparangko rim•na jotton ka•ani bak ong•a ine talataniko dakengon, batanggimin ja 3-ni gisepon sak 27 Bangladesh-ni manderangko a•jaoniko rim•aha ineba ua parakataha. Sima ari jolo chel•chakaniko mangrakbatatna police dolrang, Border Security Force (BSF)-rang baksa apsan kamko ka•engon, napsrukbagiparangko u•ina man•a gita songni manderang baksaba apsan nangrime kamko ka•enga ineba ua agandapangkuaha. Ia indake niamgri napsrukbagiparangko champengsona aro a•jako naljoke rakkina gita nichokkigipa dolrangko baridapataha.
Na·simang ia video-koba nina man·gen:
Na·simang iakoba poraina man·gen: Conservation Training Institute-ko jitatna mangsonganina sorkarini kosako jegale songdamgittamni manderang re•jomaa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
