Shillong, Mar 5: 2018 bilsio sorkariko rikchengaonin National People’s Party (NPP)-chi dilenggipa Meghalaya Democratic Party (MDA) sorkari, Meghalaya a•dokni rasongko dingtangatna man•aha ine Budbar salo, a•dokni Chief Minister Conrad K Sangma, bilsichetna budget-ko mesoke on•anganio parakataha.
Chief Minister-ni aganani gitade, batanggimin bilsisnini gisepo 11 percent-ni gita economy-ni tang•doaniko a•doko nikna man•aha aro ia economy-ni dal•roroaniara, a•dok aro ma•mong sorkarini gisepo kajinarangko sualgrikanio bariani, a•doktangni kajina man•anio bariani, Centrally Sponsored Scheme (CSS)-rangko tang•doatani, Externally Aided Project (EAP)-rangko man•bae on•ani aro Special Assistance to State for Capital Investment (SASCI) gita dakgipa gital scheme-rangko man•baani a•sel ong•aha.
2018 bilsina skangde Meghalaya a•dokni economy aro namroro silroroaniko salgro salaramni gipin a•dokrang baksa tosusaon, 2010 bilsioni 2018 bilsiona kingkingde tangka paisani gita neng•nikanirangko nikna man•achim ineba Chief Minister aganaha.
2018 bilsina skangde mongsonggipa kamrang, jekai an•seng baljokani, lekka porako on•ani, rama jal•lang, chiko on•ani, bijoli aro uandakgipa kamrango a•dok sorkari, tangka paisarangko bang•e chamna man•jachim indiba 2018 bilsio MDA sorkari jako ra•a intalan obostarang dingtangna a•bachengaha ineba ua aganaha.
2020 bilsirango COVID sajinmani a•sel dingtang dingtang neng•nikanirangko chagrongna nangahaoba tangka paisani kamrango, sorkarini kamrangko namdapatanio, Tribal-rangni bilrangko chel•chakanio, tom•tomaniko rakkianio aro dingtang dingtang kamrango bang•bea tangka paisarangko koros ka•anichi ia sorkari chu•sokgipa ong•na man•aha ineba Chief Minister aganaha.
Dingtang dingtang kamrango tangka paisarangko koros ka•anichi an•seng baljokanio, chirangko on•anio, Tourism-o, me•chikrangko mangrakbatatanio, bading chiwalanio, bijoliko on•anio aro uandakgipa kamrango dingtanganiko nikna man•engaha ineba ua aganaha.
Na·simang ia video-koba nina man·gen:
Na·simang iakoba poraina man·gen: Gital Scholarship scheme-ko Conrad parakata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
