Shillong, Jan 14: ‘Bharat Jodo Nyay Yatra’-ko Robibar salpaksachibara, Congress dolni dilgipa Rahul Gandhi, Manipur a·dokni Thoubal a·jao donggipa Khongjom War Memorial-oni a·bachengataha.
Ia re·jomaniko sal 67-na, dam 15 a·dokrango donggipa dam 110 a·jarangko nappake gimik kilometre 6,713 rama gita dakna sienga aro ia re·jomaniko March jani 20 tariko Mumbai songjinmao matchotatgen.
Ia re·jomaniko a·bachengatna skang, Congress dolni dilgipa Rahul Gandhi, jinmana aganprakengon, BJP sorkarini ning·o a·songni manderang, pilakni gitan nichanggalaniko man·engani gimin aro jakgitelani dongjaengani gimin a·song gimik ku·rang on·na gitasa ia re·jomaniko ong·atenga ine parakataha.
Manipur a·doko so·sojengjeng ong·enganichi a·doko songdongenggipa manderang neng·nikanirangko chagrongna nangtokengoba a·songni Prime Minister Narendra Modi, Manipur a·dokona re·ange niekuja ine janapatengon, Manipur a·doko sorkarini gita maming kamrangkon ka·na man·jaenganiara Modi sorkarina kratcha·na nangani katta ong·enga ine Gandhi aganaha.
Re·jomaniko a·bachengatna skang, ua dingtangmancha Anglo-Manipuri War-o sianggipa matgrikrangko mande ra·na tarie dongimin Khongjom War Memorial-o pulrangko done, sianggipa matgrikrangna mande ra·pilskaaniko dakangaha.
Iakoba poraie nina man·gen: Arunachal-o jatgni dinggrikanichi sak 15 manderang saknaa man·
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
