Guwahati, April 13: Assamese jatni dakbewalo, gital bilsiko a·bachenge nichaksoani chin gita a·doko Rongali Bihu-ko maniani somoio gital ma·ambiko, chong·motan Guiness World Record-ko segatna mangsonge ianpako dingtang dake Assam a·doko Bihu manianiko ong·atangnasienga aro ia manianio, Guwahati-ni Sarusajai Stadium-o Bihu chrokanirango sak 11,000 na baten jatni dakbewalo chrokgiparang aro dokgipa-damgiparang bakko ra·na gita tarisotokaha.
Iani bidingo Assam-ni skotong minister Pa Himanta Biswa Sarma-ni agananganio, jatni dakbewal gita chrok-mesaani gadango gitalgipa ma·ambiko segatna nisanko donenba, biap damsao manianiko ong·ate dal·batsranggipa Bihu chrokaniko ong·atangna miksongani gnang ine janapatan baksa chrokanirang minit 15-nasan ong·gen, indiba chrokgiparang namen bang·gen ineba parakataha.
Bihu chrokaniko ong·atnasienggipani gimin official-rangni janapatani gitade, git ring·giparang, jatni dakbewalo dokgipa-damgiparang gimikko man·chape chrokanio bakko ra·giparangoni 70 percent-de me·chikrang ong·gen aro 30 percent-ara me·asarang ong·skagen.
Iakoba poraie nina man·gen: Roster System-ko mikkangchini giminsa ra·gatchina dabie, HYC memorandum-ko on·a
