Tura, April 22: East Garo Hills a·jani Mangsang jolo bijoli budurangko name sringjani a·selo nokma saksani nokko wa·al kamaha. Ia wa·al kamani a·selko songni manderang ong·gija kattarangchi agane jangbingbangataha, iandake jangbingbangatani a·sel basakoba kajia-golmal aro nanggrikanirang ong·ronga, unigimin tol·e jangbingbanggiparangko policerang mikrakataniko on·e donbaaha.
Rongjeng PS ni ning·o ga·akgipa Morongga Nengkram songoni Presila N Marakni nokko saljatchi 12:21 bajimango wa·al kamaniko policerang kobor man·e ua biapona re·angaha. ” Chinga wa·al kamgipa biapona re·ange wa·al kamani a·selko sandiaha. Uan karen wire-rangni a·sel aro uarangko name tarijani a·selo iarang ong·aha. Iano darang mandeba mikneng-mikbue ia nokko so·ja, uan jangbingbanggipa kattasa” ine East Garo Hillsni SP S A Rynjah aganaha.
Iandake tol·e jangbingatgiparangko indake dakjachina SP mikrakatani ko on·e donbaaha, saobarang manigijaode niam gita ja·kuko de·e kam ka·ani ong·gen ineba ua aganaha.
Na·simang ia video-koba nina man·gen:
Na·simang iakoba poraina man·gen: Meghalaya police, KCP-PWG dolni dilgipa Khundongbam Herojit Meitei-ko Byrnihat-o rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
