Shillong, June 21: Wachini mikkarang baditaba salrangonin a·doko chotchanggija wana gita a·bachengahaoba, Meghalaya a·dok gimikon adita salrangnade bijoli kimitaniko dakangkuna gita nangaigen ine a·dokni skotong minister Pa Conrad K Sangma, Butbar salo parakangaha.
A·doko mikkarang chu·onga gitan wana a·bachengahaniko Pa Sangma an·tangna ra·chakangengon, a·doko bijolina neng·nikaniko namatna gita mikka china nichake uno ka·donge kamko ka·aiachi mangmangde chu·ongjawa, indiba iandakgipa neng·nikani somoiona name chanchininge aro simsake kamko ka·anisa nangchongmotgipa ong·enga ine Pa Sangma aganangaha.
Iani bidingo Butbar salo press conference-ko ong·atgipao skotong minister Pa Sangma, bijolini a·bao Meghalaya-ni chu·sokani giminba janapatjolengon, Garo Hills-o donggipa Ganol project, Jaintia Hills-oni Leskha project aro Khasi Hills-ni Umiam, ia biap damgittamonikon a·dok gimikna bijoliko bikotna gita man·engahanichi a·dokni ma·ambio ian skanggipa changna namen gisik ra·na krabegipaba ong·a aro iarangchi Meghalaya a·dokni namroro-silroroanikoba nikna gita man·enga ine Pa Sangma parakatkuaha.
Mikka china pangchakaigija jelbra-jelsuenggipa a·dokni manderangna chu·onga gita bijoliko on·na man·na gita, minggipin cholrangkoba am·sandie kamrangko ka·na gita nangengani giminba Pa Sangma janapatjolaha.
Iakoba poraie nina man·gen: Manipur-o so•sojengjeng ong•aniko namatna man•jaengani gimin PM Modi-ni kosako jegale jingjengata
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
