Shillong, July 20: A·dokna bijoliko chu·onga gita watenggipa company-rangna pilak gro donggiparangko Meghalaya Energy Corporation Limited (MeECL) chu·gimikkon gamaha aro gimik company-rangnan da·odipetde grorang dongjaha ine MeECL-ni Chairman-cum-Managing Director Pa Sanjay Goyal, Bristibaro u·iatangaha.

NTPC baksa mingsani bidingo kacharini mamla matchotkugijagipana agrede, a·dokna bijoliko chu·onga gita watenggipa company-rangna, mongsongbate central company-na gro donggiparangko matchoten gamaha aro NTPC baksa gnanggipa mamlakoba dolgni namgrikaniona ra·bae chinga man·adipet ia mamlako matchote donna gita jotton ka·enga ineba Pa Goyal talatangaha.

Iani bidingo chinga NTPC baksa agangrike niengkua aro ia mamlakoba ru·utgijan matchotatna man·gnini gimin chinga ka·dongsoenga ineba ua agandapataha.

MeECL-ko name chalaina man·na gita, man·a dipetde central company-rangna gro donggipako gampilna aro tangka ra·srogipako somoi gitan chotpilna MeECL jotton ka·enga ine aganangenba, ia grograngko somoi gita gampila ong·ode a·dokko chalaiani kamrangko nienba tangka-paisako simsake jakkalanio pangchake ma·mong sorkarini on·gipa gadangkoba nambatakon man·a ineba ua parakataha.

Shillong, Umiam-o chimonggipa chini gadangko sing·anina aganchakangengon, chirangko ra·chakna man·adipet dongipa gadangona sokdona gita da·o feet 15 mangko nangengpiti ine ua talataniko on·angaha.

Meghalaya-o bijolina akkal-karap ong·ronganiko namatna gita koelako jakkale bijoliko bikotani minggipin chol jekai, Thermal Power Project-rangko a·bachengate niani giminba sorkari cholrangko niamenga ine Pa Goyal u·iatangjolaha.

Iakoba poraie nina man·gen: Assam-o, bilsi 19 ong·gipa me·chikko so·otani mamlako ra·e dolgni nanggrikanio sak 24 saknaa man·a

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub