Guwahati, July 19: Me·chik saksako so·otani bidingo ka·a ding·chaoe songni adita bang·a manderang uni manggisiko ra·bitenba mija Mongolbar walo, Assam Cachar district-ni ning·o donggipa Silchar-ni police-rangko chadrapanio sakbri police-rang baksana sak 20-na baten Silchar jolo donggipa manderang saknaa man·tokaha ine koborna parakataha.
Iani bidingo Cachar-ni Superintendent of Police (SP) Numal Mahatta-ni koborna aganatani gita, Mongolbar attamni 7 bajimango, sak hajal bata songni manderang manggisiko ra·bitenba Silchar jillani Rangirkhari Point-o dongchange jingjengattokaha aro ia obostako nirokchina police baksana CRPF sipairangko donataha. Uandake, walni 10 ata bajimango police-rang, me·chikni manggisiko ra·angenba so·na jotton ka·ahachim, indakmitingosa ka·a ding·gipa songni manderang uamangko ro·ongchi goruruna a·bachengaha aro sakbri police-rang saknaa man·aha.
“Me·chikni nokni manderangde namen bakrimaniko on·aha aro Silchar Medical College-oniko manggisiko nokdangna pakwatatani ja·man so·na inenba uamang ra·angengachim, indakmitingosa dolgnini gisepo nangrikaniona sokaha ine talatan baksa, ia mamlako chinga sandirokatenga indiba, da·ode iani gimin mamingkoba aganna mang·kuja ineba SP parakataha.
Bilsi 19-ong·gipa me·chikko ma·sina man·gijagipa mande drae kal·akani ja·man so·ote galaha aro ua me·chik re·anggipa July 15 tarikoni noktangoni gimaengachim. Uni manggisiko, salbri ja·man Silchar-oni km 30 mang chel·gipa Dwarbond jolo nok gital rikatenggipa biaponiko man·eha.
Mobile switch off ong·ani ja·man demechik baksa maming kobor donggrikjahani gimin nokni manderang, Rangirkhari police station-o mamlako segateaha. Aganani gitade so·ota man·gipa me·chikara dokano kam ka·engachim.
Iakoba poraie nina man·gen: A·dokni ning·o ge·gipin skotongko songna nanganiko nangnike nikja: Ma Ampareen
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
