Tura, Aug 11: Adita salrangna skang, bilsi 12 ong•gipa me•chik bi•sa-ko ka•saninggija dake drae til•ekenba so•ote galaniko jegalna gita Bristibar salo, Chibinang-ni dingtang dingtang dolrang, jekai GSU, AAYWO, AYMBS, AYWO, CRF, AHAM, FKJGP, GSMC, FAF aro uandakgipa dolrang, Chandigre kal•chakramo jinma tom•bimonganiko ong•atangaha.
Ia tom•bimonganiko ong•atanio GSU Chibinang unit-ni president Hamit Marak, jinmana aganprakatengon, sianggipa me•chik bi•sani nokdang aro ma•drangrangna kalimpaaniko parakatenba, dos dakgipa mande, batanggimin somoirangoba apsan dakgipa kamrangko ka•aha ine ia mandeni kosako rakbatsranggipa sastirangko on•china dabiangaha.
Ia me•chik bi•sako ka•saninggija dake so•ote galaniko jegalna aro sianggipa me•chik bi•sana kakket bichalko on•china gita dabie jinma mombatirangko so•e re•jomanikoba ong•atangaha.
Bilsi 12 ong•gipa me•chik bisa-ko re•anggipa August-ni 1 tariko, bilsi 32 ong•gipa Chanda M Sangma, West Garo Hills a•jani Jangrapara songo, drae til•ekani ja•man so•ote galahachim.
Dos dakgipa mandeara South Garo Hills a•jani Baghmara jolo donggipa Mindikgre songoni ong•achim indiba ua Jangrapara-ni Bikonggre songo songdongengahachim.
Police-rangni u•iatani gitade, ia mande, me•chik bi•sako uni gitokko rageke so•otahachim aro ia a•sel ong•ani somoio me•chik bi•sani ma•a paa, mande sigipaona re•angahani gimin ua noko saksansachim.
Iakoba poraie nina man·gen: Monolith Festival-ko ia bilsio ong•attaina Conrad sorkari dakchakgen
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
