Tura, Oct 15: Bilsi 15 ong•gipa Donkam M Marak, jean Chandmari FC-na robol kal•e on•gipa ong•achim, ua India a•songni dalbatsranggipa dol, Hyderabad FC-ni U-17 football team-o kal•na gita seokako man•aha aro bilsi gittamni contract-ko uamang baksa soi ka•aha.
Chandmari FC-o ua 2021 bilsio bakrimeaha aro CFC-ko re•dilenggipa, Marak namen robol kal•na changgipa ong•a indiba iana baten tarisamsona gita nangengkua ine nikachim.
CFC-ko re•dilenggipa Nancy A Sangma Hub News baksa agangrikengon, “ISL-o robol kal•susaanio a•chikrangoni kal•giparangko anga da•alona kingking nikkuja uni gimin changsaode ia chadamberangan a•dokna mikkim rasongko ra•bagipa ong•gen ine ua ka•dongsoenga” ine aganaha.
Donkam Marak Okkapara-ni Matalgre songoni ong•achim aro ua da•o Hawakhana Secondary School, Tura-o chikunggipa gadang(Class X)-o poraiengachim. Ua 2022 bilsio Symon Soccer Tournament kal•susaanio U14 category-o Best Player Award ba kal•susagiparangni gisepo nambatsranggipani boksis-ko man•aha. Uandake ia bilsio, ua Odisha-o robol kal•susaanio Meghalaya Football Association-ni Junior team-naba kal•e on•angaha.
Iakoba poraie nina man·gen: Tura, Gandrak gittimo huro mangsa karen nange sitaia; sringgipa silitingo maming champenganirang dongjanina gittimni manderang MeECL-ni kosako suk ong·gijaniko parakanga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
