Guwahati, Jan 31: Assam a•dokni Barpeta a•jani ning•o donggipa Mouripam songo, bilsi 6 ong•gipa me•chik bi•sako ka•saninggija so•otanina, dos gnanggipa saksa mandeko Assam police rim•a.
Ia me•chik bi•sa, January jani 25 tariko bi•saskarang baksa kal•grike roengmiting somoio gimaahachim. January jani 26 tariko nokdangni manderang, Baghbar Police Station-o bi•sani gimaaniko badi ka•eaha.
Ia badi ka•ani bakan, police dolrang am•sandianiko dakna a•bachengahaon, kanta 48-ni jamano, dos dakgipa mandeko rim•na man•ha.
Indake, January jani 29 tariko ia bi•sani manggisiko chaljao sike donengako, dosi dakgipani nokoniko man•aha.
“Chinga, dos dakgipa mandeko, POCSO ACT-ni ning•o pangchake Baghbar Police Station-o mokordomako segataha. Ia bi•sani kosako ong•gija dakdraaenba so•otaha aro so•otani silchidarekoba am•sandie nianio man•aha” ine Police official aganaha.
Indake dosi dakgipa mande bilsi chu•ungjani gimin Barpeta-ni kachario bichal ka•ani jamano, Boko-ni Juvenile Observation Home-ona watatskaaha.
Iakoba poraie nina man·gen: Kajina gilanio gital kolrangko jakkalna sorkari miksongenga
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
