Tura, Apr 8: Lok Sabha Election ong•na skang, bilsi bregimin manderang jemangan, bilsi 85-na batahachim aro be•enni gita neng•nikaniko man•enggipa manderang, Election Commission of India-ni niam-o pangchake, noko donge pu•onaniko dakna cholko man•e an•tangtangni bilrangko jakkalangaha.
Indake, pilak a•jarangon tarikrangko tik ka•e ia pu•onaniko dakatenga. Iandakgipa gadangni manderangna pu•onaniko dakna gita West Garo Hills a•jao, April 8 aro 9 tarikrangko tik ka•angaha aro indake, April-ni 8 tariko, West Garo Hills a•jani ning•o donggipa dam 10 Assembly constituency-ni dingtang dingtang biaprango pu•onangaha.
Ia noko donge pu•onaniko dakna a•ja gimikoni chu•gimik sak 362 voter-rang, jako ra•e kam ka•enggipa Block Level Officer (BLO)-rangni jako dorgastorangko on•ataha.
West Garo Hills a•jao, Selsella, North Tura aro South Tura Assembly constituency-rangko man•chape dingtang dingtang constituency-rango pu•onangtokaha.
Apsan daken, East Garo Hills-ni skotong Williamnagar jilla baksana uni dulao donggipa biaprangoba bilsi bregimin manderang aro be•enni gita neng•nikaniko man•enggipa manderangna noko donge pu•onatna cholko on•angaha.
Na·simang ia video-koba nina man·gen:
Na·simang iakoba poraina man·gen: Assam-o AAP-ni candidate-na campaign ka•anga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
