Guwahati, Sept 14: Assam a•dokni ning•o bilsi chu•onggija bia ka•atani kosako Assam sorkari dal•bea sandirikkitaniko dakaha aro jemangan iandakgipa kragija kamrango jak dongpaa ua adita manderangko rim•aha.

Assam a•dokni skotong minister Himanta Biswa Sarma-ni, jak dongpagipa manderangko rim•china rai on•atani ja·mano ia dal•bea sandirikkitaniko ia bilsini February jaoni a•bachengatahachim.

Bilsi chu•onggija bia ka•aniara songsalo namgija bewalko mesoka. Sorkarini gita mandeni janggi tanganiko silroro namroroatna inenba bilsi chu•onggija bia ka•aoniko chel·chaksona ja•kurangko de•enga, a•dokni ning•o jik bang•e kimani bewalkoba Assam sorkari champengengaha uni gimin ia ja•ku de•anina chingni chakpaaniko on•a ine songsarni namgnina kamko ka•gipa saksa aganaha.

Indake ong•engon, Assam-ni niamko tarigipa manderangan ia jik bang•e kimaoniko champengsona niamko tarina bil donga ine sapgipa Committee-ni manderang, a•dokni ning•o jik bang•e kimaniko champengsona tarisamsogimin lekkako, Assam sorkarina on•eaha.

Assam a•dokni Hailakandi a•jaoni dos gnanggipa sak 15 Kazi-rangko jemangkon Aziruddin Laskar, Mufti Abul Hussain, Asadullah Laskar, Kaisur Ahmed, Abdul Jalal Laskar, Sarifuddin Barbhuiya, Farizuddin Laskar, Saidul Haque, Nurul Haque Laskar aro Abdul Salam Barbhuiya ine u•ina gita man•ahachim, uamangko batanggimin Budbar-o Assam police rim•aha.

Police-rangni janapani gitade, dos gnanggipa Qazi-rangoniko king chikkung Kabulnamas ba bia ka•ani certificate-rangko man•aha aro Assam a•dokni skotong minister Himanta Biswa Sarma-ni parakatgimin gita uamangko pattoko chipataha.

Kobor ra•timgiparangna Skotong minister Himanta Biswa Sarma aganengon, mikkangchi sal chikkungrangni gisepon, bilsi chu•onggija bia ka•atanio jak dongpagipa manderangko sak 3000-mang rim•na man•gen ine aganangaha.

Ia bilsini a•bachengaon, bilsi chu•onggija bia ka•atanio jak dongpagipa kamalrang aro Qazirang baksa sak 5000 manderangko rim•aha. Bilsi chu•onggija bia ka•aniara kragijagipa kam ong•a aro songsaloba namgijako ra•baa ine police officer aganaha.

Iakoba poraie nina man·gen: Shillong-o NE Fruit Wine Incubation Centre-ko CM do·ga oe on·anga

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub