Tura, March 29: Christian bebera•giparangni mongsonggipa maniani, Good Friday chong•motan, Kristo Jisu-ko chisolo datkapaniko gisik ra•ani gita, Garo Hills a•jani dingtang dingtang bakrangni gilja nokrango bi•rimaniko dakangaha.
Ia salo, Catholic bebera•giparang, okimu chake Isolo bi•rimaniko dakangan baksa, pap ku•rachakanikoba dakangangaha, indake iani gisepon gipin Christian ma•malrangba ia salko gisik ra•na gita giljao olakkirimanirangko dakangskaaha.
Indake, Tura songjinmao, attamchibara ta•rakbegipa mikka balwarang sokbagenchimoba, bebera•gipa sakantian olakkirimna somoi gita giljao jinma tom•tokaha.
Catholic bebera•giparang, Jisu-ko skobikrok a•brio chisolo datkapna re•jomaaniko dakani gita Chisolni Ramako dakangaha.
Ia salon, sal 40-na Chisolni Ramako dakenganiko matchotatanikoba gisik ra•angjolaha.
Indake Sonibar walo, Paschal Candle-rangko so•enba Easter Vigil-ko manianggen ba Jisuni chakatpilaniko Catholic gilja nokrango nichaksoaniko dakanggen.
Paschal candle, ian rongtalgipa wa•aloniko ra•e so•bakskagipa mombati ong•a, jean, a•gilsakona Jisu-ni teng•sue re•baaniko miksonganiba ong•a. Ia mombati-ni ching•enggipa wa•al, Jisu-ni chakatpile an•dalako aro siako amsranganiko mesokani ong•achim. Ia teng•anian, chisolo datkapani salgittamni ja•man Jisu-ni chakatpilaniko rimchaksogen.
Na·simang ia video-koba nina man·gen:
Na·simang iakoba poraina man·gen: Sister Rosario-ni manggisiko Sonibar salo Bethany Society-o gopgen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
