Tura, Mar 29: Tura-o Bethany Society-ko bikotdilgipa Spain a•songni Missionary aro A•chik a•songo be•enni gita cholgri ong•gipa manderangna ka•sae dangdike on·gipa, Sister Rosario Lopez bilsi 94-ko ga·tape, March-ni 28 tariko Shillong-ni Nazareth Hospital-o a•gilsakko watangaha.
Uni songsalna ka•sae dangdike on•ani gimin Sister Rosario-na Pa Togan Nengminja award-koba on•ahachim.
Uni manggisiko Bristibar salon Tura-ona ra•bapilaha aro da·o Tura-ni St Xavier’s School-o donenga. Sonibar salni bako St. Xavier’s School-o una bon·kame mande ra•e gilja ka•aniko dakanggen aro uni ja·man uni manggisiko Tebronggre-o donggipa Bethany Society-o gopgen.
Sister Rosario saksa bilakgipa me·chik ong·ani gimin pangna gitan ansengpile re•bapilna ka•dongsoengachim indiba ia changde ua re•bapilna man·jaha ine St. Xavier’s School-ni Principal, Sr. Maria D’silva aganenba, Bethany Society-ni manderang aro Sister Rosario-ni dakchakako man·gipa manderangko uni ja·kuko ja·rike re·mikkangangchina Hub News gita didiataha.
Na·simang ia video-koba nina man·gen:
Na·simang iakoba poraina man·gen: M’laya a·doko Good Friday-ko manianga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
