Shillong, Jul 22: East Khasi Hills a•jani Balat jolo donggipa Tlongpleng songoni me•chik bi•sa sakgni, Mawsynram-ona bus gario gadoangani ja•man Budbar pringo, Shillong-ona sokangskaaha aro Shillong-ona sokangaonin ia me•chik bi•sa sakgni gimaenga ine kobor on•aha.
Ma•drangrangni u•iatani gitade, ia me•chik bi•sa sakgni, Balat joloni Mawsynram-onasa bus gario gadoangahachim indiba Mawsynram-ona sokangani pal uamang, Shillong-onasa sokangskaaha aro ia me•chik bi•sa sakgniko Iew Mawlong sambao donggipa Anjalee Station-o garioni ong•onako manderang bon•kame nikaha.
Ia me•chik bi•sa sakgniara, Tlongpleng songoni bilsi 11 ong•gipa Mebaaihun Thongni aro bilsi 12 ong•gipa Mebariiaka Thongni ong•a.
Ma•drangrangni u•iatani gitade, ia me•chik bi•sa sakgniko bon•kame nikani somoio, sakgnian jolongga (bag) gisimko ra•bitachim.
Ia me•chik bi•sa sakgnioni Mebaaihun-de sakgitchaka, knide a•mangni rong pakkreona soka aro feet 4.8-mangni gita changroa aro Mebariiaka-ba sakgitchaka, kni a•mangni rong pakkreona soka aro feet 4.5-mangni gita changroskaa.
Ia obostani bidingo talataniko on•angengon, da•o dipet ia me•chik bi•sa sakgni gimaenggipani gimin seachi badi ka•kujaengoba ia me•chik bi•sarangko police, sandina a•bachengataha ine East Khasi Hills a•jani Superintendent of Police (SP) Vivek Syiem parakataha.
Ia me•chik bi•sa sakgniko banoba nikgenchimode ta•raken sepangbatgipa police station-ona ba 9856525958 nombor-ona ka•e u•iatchina gita me•chik bi•sa sakgnini ma•drangrang, manderangko mol•molataha.
Na·simang iakoba nina man·gen:
Na·simang iakoba poraina man·gen: M’laya-ni nanganirangko Rajya Sabha MP, Parliament-o ku•rang on•gen ine NPP ka•dongenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
