Shillong, July 21: Sombar salo, Meghalaya BJP Youth-ni President Mewaker Lyngdoh Pakma, New Delhi-ni Jantar Mantar-o jegalaniko dakgiparangni kosako raka ja·ku de·aniko dakchina agane Instagram-o jawilwat ge·sako watataha. Uni watgipa jawilwat-o “Shoot Them! Tear gas ain’t enough!” ba ” uamangko slai gulichirangchi gobo, mikchi ong·atgipa gas mangmangde chu·ongja” ingipa katta bichong baksana hashtag #UAPA_Sedition-koba on·chapaha.
Coackroach Janta Party (CJP)-ni dilanio dakenggipa ia jegalanio, porikkarangko name ong·atja baksana NEET porikkani question paper-rangko leak ka·ani, chadamberangni kamgri ong·e neng·nikanirangko man·enganina matnangatenba, ma·mong sorkariko daito-ko ra·china agane Union Education Minister Dharmendra Pradhan-ko kamtangko wate on·china dabiangaha.
Songsalni namgnina kamko ka·gipa Sonam Wangchuk-ni jegalaniko dakenggipa chadamberangna chakpaani gita dabianirangko knachakjana kingking okgimu chakaniko a·bachengatani a·sel jegalani bilakbatrorona a·bachengaha. Iani gisepon, uko rim·ani aro hospital-o donani a·sel so·so jengjeng ong·anirang batroroatani gisepon, uamangni tom·tom jegalaniko sorkari bil ama dipet dontongatna jotton ka·enga ineba uamang matnangataha.
Na·simang iakoba nina man·gen:
Na·simang iakoba poraina man·gen: Shillong LS by-election-o susana sak 9-na baten BJP-ni tikitna dorgasto gala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
