Tura, Jul 21: Mongolbar salo, Adikavi Bhanu Bhakta Acharya-ni chang 212-gipa atchiani bilsiko maniani bak gita Gorkha Welfare Society, Bhanu Jayanti-ko Tura-ni District Auditorium-o maniangaha aro ia manianio, Meghalaya Legislative Assembly-ni Speaker Thomas A Sangma, mongsonggipa sokgipa ong•e bak ra•angaha.
Tom•a a•bachengao, Gorkha Welfare Society-ni president Rajesh Chetry, rimchaksoani kattarangko aganangengon, jatni namgnina ku•tangko aro jatni daka rikaniko ripinge rakkina nangani gimin aganangaha.
Ia tom•anio, Meghalaya Legislative Assembly-ni Speaker Thomas A Sangma, tom•anio bak ra•giparangna aganprakangengon, ia chang 212-gipa Bhanu Jayanti-ko manianio bak ra•pana man•ahani gimin an•tangni kusi ong•aniko parakangenba, ian saksa poedo serakgipa mandeni kamko gisik ra•pilanisan ong•ja indiba India a•songo aro a•gilsak gimikon Nepali jatni sea jotaniko rakkianio chu•sokgipa ong•aniko manianisa ong•enga ine aganaha.
A•gilsak gimikon dingtang dingtang jatrang ku•tangtangko gimaatna kenchakanirang ong•enga ine janapatengon, Nepali ku•sik aro jatni daka rikaniko gimaatjana gita pilakkon ku•cholsan ong•e kam ka•china aro mikkangchiba pilak jatrangni gisepon ku•mong nangrime janggi tangangkuchina Sangma didiangaha.
Garo Hills-o songdongenggipa Nepali jatni namgnina kamrangko ka•angkuna gita ua dingtangmancha Gorkha Welfare Society-na gong lakgni tangkarangko on•gen ineba ia tom•anio, ku•rachakaniko on•angaha.
Ia tom•anio, Rangsakona constituency-ni MLA Subir M Marak-ba dongpae, jinmana aganprakangengon, Tura-o, Garo Hills-o aro Meghalaya a•dok gimiko songdongenggipa Gorkha manderangna an•tangni namgipa skaniko on•angenba, Acharya-ni segipa poedorangara, Nepalirangnasan ong•aigija pilaknan namgniko ra•baaha ine aganaha. Uni kamrangko gisik ra•e, una mande ra•pilskaanirangko dakangkuchina gitaba Marak, Meghalaya aro India a•song gimiko songdongenggipa Gorkha manderangko didiangaha.
Na·simang iakoba nina man·gen:
Na·simang iakoba poraina man·gen: Pangsau Pass Border Haat-ko bilsi 6 ja·man kulipiltaia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
