Shillong, Naitung 22: Arngut ki khynnah kynthei naka shnong Tlongpleng, East Khasi Hills, kila jah hadien ba kila shong bus ban leit sha Mawsynram pynban kila poi hiar sha Shillong haka step 22 tarik Naitung.
Ki bahaiing ki iathuh ba kine ki khynnah kila kiew daka bus naki thain Balat ban leit Mawsynram hynrei ki khlem lap hiar pat ha Mawsynram bad kila poi pynban sha Anjalee Station ha jan Them Iew Mawlong.
Ki khynnah ba suba jah ki kynthup ka Mebaaihun Thongni (11 snem) bad Mebariiaka Thongni (12 snem) naka shnong Tlongpleng.
Kiba ha iing kila iathuh ba kine ki khynnah ki rah daka pla iong bad ka Mebaaihun ka don u sniuh ba rong Brown, ka jrong 4.8 feet bad ka Mebariiaka ka jrong kumba 4.5 feet.
Naka liang u Superintendent of Police ka East Khasi Hills Bah Vivek Syiem ula pynthikna halor kane ka jingjah ki khynnah.
“Hoid, ngi dang pynlong ka jingwad iaki” ula ong.
Ki bahaiing kila kyntu iaki paidbah ba lada ki lap ia kine ki khynnah ba kin sngewbha pyntip sha ki Police Station kiba marjan bad ki lah ban phone ha u number 9856525958.
Pule ruh :Â Dawa ka MPYC ban leh tyngeh ia u President ka BJP Youth Wing | Yn leit kynduh ia ki nongiakhih ha Delhi
Peit ruh :
Wad ia ki khubor ba dang shu jia na man ki jaka kyndong ka thain Shatei Lam Mihngi ha hubnetwork.in, ka tyllong khubor online jong phi ban lap ia man ki khubor ba dang jia, ki jingring durkhih.
Bud ruh ia ki ha ka
Twitter – twitter.com/nemediahub
Youtube channel – www.youtube.com/@NortheastMediaHub2020
Instagram – www.instagram.com/ne_media_hub
Download ia ka app jong ngi na playstore – Northeast Media Hub
