Shillong, Jul 22: Budbar pringo, South West Khasi Hills a•jaoni re•bae, Shillong songjinmao gimagipa me•chik bi•sa sakgniko man•pilaha ine police official parakataha.
Iani bidingo kobor ra•timgiparangna u•iatengon, Balat jolo donggipa Tlongpleng songoni bilsi 11 aro bilsi 12 ong•gipa me•chik bi•sa sakgni, Shillong songjinmaona sokbaani ja•man gimaaha ine South West Khasi Hills a•jani SP-oniko kobor man•soaha indiba ja•mano ia me•chik bi•sa sakgniko sandienba, Nongrah joloniko man•pilaha ine SP (City) Dangaan Khyriem parakataha.
SP-ni u•iatani gitade, ia me•chik bi•sa sakgnini bidingo am•sandianirangko dakon, uamang Mawsynram-chi re•na miksongesa Balat joloni bus gario gadoahachim indiba Shillong songjinmaona sokbaani ja•man uamang, Anjali Point-o ong•one ja•mano Nongrah-ona city ride bus-o re•angaha ine ma•sina man•aha.
Ia me•chik bi•sa sakgni, Nongrah-o donggipa uamangni ma•drangona re•angaha ineba SP aganaha.
Ja•mano, ia me•chik bi•sa sakgniko uamangni ma•drangrang, Rynjah Police Station-ona rimbaaha aro uamang maikai Shillong-ona sokbaaha, uko police official-rang, uamango sing•sandienga ine SP parakataha.
Ia me•chik bi•sa sakgnikon maming a•sel nanga gri tom•tomen man•pilaha ineba SP aganaha.
