Guwahati, July 22 : Budbar salo, AIUDF-ni MLA Badruddin Ajmal, Upper Assam-o chi ban re·anio nangchakea man·gipa manderangna dakchakaniko on·a Ajmal Foundation-ni gita tangka gong kror 1-ko on·gen ine parakataha. Assam Assembly-ni Budget Session-o matchotani ja·man kobor ra·timgiparangna aganengon, ua pilak MLA-rangkon chi ban re·anio nangchakea man·gipa biaprangko re·ange nichina, dakchakaniko on·gipa kamrangna on·gilpaaniko dakchina didiatan baksana Guwahati songjinmao chi ban re·ani aro chi skate donganirangko namatma man·gijanina sorkariko ua matnangataha.
Uasan ong·aigija, ua NEET-UG porikkani question paper-rang leak ong·ani bidingoba raka ja·ku de·aniko dakchina aganenba, ia niam pe·anio bak donggipa sakantikon patok ning·o donatna nanga ineba ua aganangkuaha.
Dos donggipa manderangna sasti-ko on·a nanga aro dos-grigipa chatro chatrirang duk saknaako man·a nangja ine aganenba ua opposition dol-rangni, Union Education Minister Dharmendra Pradhan-ko kam watchina dabianinaba chakpaaniko on·ataha.
