Tura, Jun 23: Garo Hills-o ja·delbatsranggipa Catholic Missionary, Tura-ni Bishop Emeritus George Mamalassery-ko rang·sitanio neng·nikanirangko man·ahani gimin Tura-ni Holy Cross Hospital-o done sannaniko on·enga.
Tura-ni Auxialiary Bishop Fr CJ Jose-ni Hub News-na u·iatani gitade, bilsi 92 ong·gipa Emeritus Bishop Mamalassery, jekon Catholic bebera·giparang ka·sabee ‘Bishop Mama’ ine okamtokachim, ka·sopo saaniko man·e rang·sitanio neng·nikanirangko man·engani gimin hospital-ni Intensive Care Unit (ICU)-o oxygen on·e donna gita nangenga.
Bishop Mamalassery-ko an·tangtangni bi·anio gisik ra·china gitaba Auxiliary Bishop Jose, manderangko mol·molataha.
Emeritus Bishop Mamalassery, re·anggipa April-ni 22 tarikosan bilsi 92 gapahachim aro uan Garo Hills-o bang·bea skulrangko, gilja nokrangko, health centre-rangko aro Tura-o Holy Cross Hospital-ko rikanioba mongsonggipa mande ong·achim.
Ua bilsi 64-na skang, saksa chadambe missionary ong·e Garo Hills-ona re·baaha aro untalan ua ia biaponi re·angpilgija Garo Hills-kon songtang ine dongaiaha.
Ua 1979 bilsioni 2007 bilsiona Tura-ni Bishop ong·e dangdike on·angaha aro kamtangoni neng·takani ja·man ua Holy Cross Hospital sambao gitcham kamalrangna rike dongipa noko da·onan dongkuenga.
Indake ong·engon, Robibar pringo Meghalaya sorkarini Principal Secretary P Sampath Kumar, Tura Holy Cross Hospital-ona re·ange saenggipa Bishop Mamalassery-ko grongeaha.
Na·simang ia video-koba nina man·gen:
Na·simang iakoba poraina man·gen: Gimaenggipa chadambeni manggisiko Aradonga ni chibimaoniko man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
