24.6 C
Tura
spot_img

Tura Football League Super Division-ko gnigipa changna Chipakkore FC chea

Must read

Tura, Jun 23: Ia 2024 bilsini Tura Football League Super Division-ni final ba bon·kamgipa kal·aniko Sonibar salo, Chipakkore FC aro Selsella SA dolrang, Tura-ni PA Sangma Stadium-o kal·susaangaha aro ia kal·susaaniko Chipakkore FC cheenba, gnigipa changna Super Division-o champion ong·aha.

Iana skang 2022 bilsioba, Tura Football League Super Division-o Chipakkore FC, Selsella SA dolko chee champion ong·ahachim aro ia changoba Chipakkore FC dol chegipa ong·enba, da·o Meghalaya Super League (MSL)-o bak ra·na gita cholko man·aha.

Ia final kal·a a·bachengaonin Chipakkore FC, nambee kal·na gita man·aha aro uandaken kal·ani minute 24-gipaon Brainsbirth G Momin, skanggipa goal-ko Chipakkore FC-na chipe on·chengna man·aha.

Advertisement

Indake ong·genchimoba, minute-bri ja·man Selsella SA-na Chichang Momin goal-ko chipe on·skana man·aha.

Dolgnini gisepo bilakbee kal·susaangenba, halftime-ni somoio dolgnian goalprakprakko chipna man·aha.

Advertisement

Kal·ani gnigipa bakko a·bachengahaon dolgnian goal-rangko chipna krengbee kal·angtaiaha aro uandaken 75-gipa minute-o Chipakkore FC-ni Brojen Muchahary, goal-sako chipe on·skana man·aha. Uni ja·man Selsella SA dolba goal-rangko chiptaina krengee kal·ahachim indiba goal-rangko chipdapna man·jae bon·kamao Chipakkore FC, goal 2-1-chi cheangna gita man·aiaha.

Advertisement

Ia Tura Football League Super Division-ni final kal·susaanio, Meghalaya a·dokni Sports & Youth Affairs Minister Shakliar Warjri, Mahendraganj MLA Sanjay A Sangma, Selsella MLA Arbinstone B Marak aro Salmanpara MLA Ian Botham K Sangma-ba bakko ra·e, chegiparangna boksisrangko on·angaha.

Ia kal·susaanio chegipa Chipakkore FC, trophy baksana gong lak 2 tangkako boksis dake man·angaha aro Selsella SA dol, runners-up trophy baksana gong lak 1 tangkako boksis dake man·angskaaha.

Chippakore FC defend title to win Tura Football League Super Division for the 2nd time

Ia kal·susaanio gipin boksisrangko man·anggiparangara, Player of the Final aro Player of the Tournament-ko Chipakkore FC-ni Easter Salchang Ch Sangma, Best Goalkeeper-ko Chipakkore FC-ni Jaksram B Marak, Best Defender-ko Selsella SA-ni Simprang M Marak, Best Midfielder-ko Selsella SA-ni Chichang Momin, Best Forward-ko Chipakkore FC-ni Brainsbirth G Momin aro Top Scorer-ni boksisko tournament gimiko goal 9-ko chipgipa Akim R Sangma ong·aha. Ia boksisrangko chegiparangnaba trophy baksana gong 5000 tangkako on·aha.

Na·simang ia video-koba nina man·gen:

Na·simang iakoba poraina man·gen: Bishop Mamalassery-ko Holy Cross Hospital-ni ICU-o donenga

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub

spot_img

More articles

spot_img
-->

Latest article