28.2 C
Tura
spot_img

Bisi Bima Club-ni ong•atgipa Under 14 robol kal•susaani name matchotanga

Must read

Williamnagar, October 27: September 23 tarikoni ong•atanggipa Under-14 robol kal•susaani final Rangmal Badim kal•chakramo name matchotangaha.

Ia robol kal•susaaniko Williamnagar-ni Bisi Bima Football Club ong•ataha aro iano gimik dol 16 robol kal•giparang bakko ra•aha. Ian skanggipa changna Williamnagar jolo Under 14 ba bilsi 14-ni ning•ao donggipa bi•sarangna robol kal•susaaniko ong•ataniba ong•aha.

Bisi Bima Football Club-ni General Secretary Rakte R. Marak-ni Hub News-na parakatani gitade, uamang ia club-ko Williamnagar jolo donggipa chadamberangko maikai robol kal•anio ra•dona man•gen aro maikai uamangko state aro national level-rangona sokdoatna man•gen, uko chanchie bikotaha. Ia robol kal•susaaniko ong•atna gita pilak nanga dakchakanirangko on•ahani gimin ua dingtangmancha Williamnagar-ni local MLA aro a•dokni PHE Minister Marcuise N. Marak-koba mittelatjolaha.

Ia final kal•anio, Williamnagar-ni MLA, mongsonggipa sokgipa ong•e aganprakengon, maikai Williamnagar jolni bi•sarangko robol kal•susaanio nambata gadongana ra•angna man•gen, ua miksonganiosa ia kal•susaaniko ong•ataha aro iano kal•giparangoniko nambatgiparangko basee skie on•anirangko dakgen ine agane, chadamberangko gisiko nange bakrimchina gita didiangaha.

Ia bon•kamgipa kal•susaanio Bawe Duragre aro Ampangdamgre Fresh Youth Club kal•angaha, jeon Bawe Duragre gol 5-ko chipe chegipa ong•aha aro Ampangdamgre Fresh Club gol 2-kosan chipna man•e gnigipa biapko man•skaaha.

Indake ia kal•anio, Meghalaya a•dokni Under 16-ni Captain Bipiush G. Marak-ba dongpae Hub News baksa agangrikengon, ua maikai training-rangko man•ahachim aro maidake Meghalaya a•dokni Under 16 team-ni captain-ona seokako man•ahachim uani gimin talate on•angaha.

Iakoba poraie nina man·gen: Matnange dongaigija agan-ku•pattianirangkoba on•china VPP-ko Education Minister didia

Watch

spot_img

More articles

spot_img
-->

Latest article