Guwahati, March 7: Lok Sabha Election ong•na siengon, Assam-ni Skotong Minister Himanta Biswa Sarma, re•baenggipa election-o Salgro Salaram a·dok gimiko BJP dol, chu•gimik ge 25 seat-rangoniko ge 22 seat-rangko man•gen ine ka•donge aganangaha.
Kobor ra•timgiparang baksa agangrikengon, Himanta Biswa Sarma, “Assam-o chinga ge 11 seat-rangko man•gen aro ge 3 seat-rangkode chingming apsan bakrimgipana on•manaha. BJP dol aro ching baksa bakrimgipa dolrang Salgro Salaram a·dok gimiko che•gopgen,” ine aganaha.
“Battanggimin 2019 bilsio, BJP dol ge 14 seat-rangko man•aha aro chingna chakpagipa dolrang ge 4 seat-rangko cheaha, indake ge 25 constitution-oniko chinga apsan bakrimenba, NDA-na chu·gimik ge 18 seat-rangko man•aha,” ineba Sarma sakki on•e aganangaha.
Uni u•iatani gitade, “kobor ra•timgiparangko jajaatna gita, opposition dolni dilgiparang Prime Minister Narendra Modi-ni Aasam-ona re•baaniko jegalsoaniko dakangahachim. Indake ong·genchimoba, Prime Minister re•baniko dontongjaha aro ian Assam-ona gittamgipa changna re•baani ong•engaha. Indake bebegita ian skanggipa uni re•bachengani ong•genchim ong•ode, ian election-na re•baenga ine chanchiani ong·genchim.”
“Anga seat ge 11 ko man•gen ine aganoba, chinga ge 12 ba una bateba seat-rangko Salgro Salaram gimik o man•aba donga maina chingni sorkari banga namroro silroroatani kamrangko ka•angaha,” inenba Sarma parakataha.
Na·simang ia video-koba nina man·gen:
Na·simang iakoba poraie nina man·gen: Shillong-ni Hotel Assembly-o mande saksa sia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
