Guwahati, June 5 : Pangnaba ganggilatna man•gijagipa, BJP-ni sak 13 Union Cabinet Minister-rangoni, Smriti Irani, Arjun Munda, Ajay Mishra Teni aro Kailash Chaudhary iamang, ia bilsini Lok Sabha election-o sirikaha, jeni a•selan BJP dolrang, sorkari rikna gita gipin dolrango pangchakna gita dra•atako man•aha.
2019 bilsio, Amethi seat-na susagrikaniko BJP-ni Smriti Irani, Rahul Gandhi-ni kosako cheahachim, ia bilsini Lok Sabha election-o Gandhi nokdangni sepangbatgipa ripeng, Congress-ni candidate Kishori Lal Awasthi, lakh 1,67,196 vote-rangchi Smriti Irani-ni kosako cheaniko man•skaaha.
Kerala-ni Thiruvananthapuram constituency-o, Electronics and Information Technology-ni Union Minister for state Rajeev Chandrasekhar-ko Congress candidate Shashi Tharoor, hajal 16,077 vote-rangchi amatskaaha.
Indake ong•engon, battanggimin 2021 bilsio, a•dokni Home Affairs Minister Ajay Mishra Teni-ni depantegipani, Lakhimpur Kheri violence-ni bidingo pattoko donako man•ani a•selo so•sojengjeng ong•enba, ia bilsini Lok Sabha election-o, Samajwadi Party-ni Utkarsh Verma-ni jakchi amatako man•aha. Iana agreba, ia bilsini Uttar Pradesh Lok Sabha election-o Congress dol baksa bakrimenba SP susaaniko dakangaha.
Iani gisepon, West Bengal-ni Bankura Constituency-o a•dokni Education Minister Subhash Sarkar-ko, Trinamool Congress-ni Arup Chakraborty, hajal 32,778 vote-rangchi amatskaaha.
Jharkhand-ni Khunti Lok Sabha seat-na susagrikanio Union Tribal Affairs Minister aro unomiting ong•enggipa MP Arjun Munda-ko, Congress candidate Kalicharan Munda, lakh 1,49,675 vote-rangchi amataha.
Pring 8 bajioni vote channaniko ong•atani konta 12 jaman, BJP dol chea ba dam 240 biaprango batenba dal•batgipa dol ge•san ong•e sorkari rikna ka•dongsoengachim, maina battanggimin Lok Sabha election-o dam 543 seat-rangoniko dam 303 seat-rangko man•enba, ia bilsiba sorkari rikpiltaina ka•dongsoengachim.
BJP-ni mongsonggipa chakpagipa dolrang chongmotan TDP-ni N Chandrababu Naidu aro JD(U)-ni Nitish Kumar maang, Andhra Pradesh aro Bihar jolrango dam 12 biaprango chea ba batengachim. Gipin chakpagiparangni dakchakanichi, BJP-chi dilenggipa National Democratic Alliance dol 272 seat-rangona sokdona siengaha.
Na·simang ia video-koba nina man·gen:
Na·simang iakoba poraina man·gen: EGH-o World Environment Day-ko manianga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
