Shillong, Sept 8: Mawsynram-ni MLA gitcham Pa Himalaya M Shangpliang-ni BJP doloni ong·katani somoio mandetangna mikkang nitee daka ine matnanganiko Meghalaya BJP-ni Mahila Morcha-ni president Susuki Pariat, Sukrobar salo jegalatenba, ian maiba miksonga dongani giminsa ua ia kattarangko aganaha ine matnangatskaaha.
“An·tangni political-o man·gnina rike aro dolsa-dolgipinona katjojoe ua re·anggipa bilsio dolgni political party-rangoni ong·katani somoioba ua ia apsan kattako aro matnanganirangko dakaha aro da·anpakba ua sakgipinrangko dosi gale aro BJP state president-ko mande minggija tol·e matnanganirangko dakaha ineba ua aganangkuaha.
Pa Mawrie, an·tangni jikgipako Mahila Morcha-ni general secretary-na seokaha ine Pa Shangpliang-ni matnanganiko jegalatengon, BJP State Mahila Morcha-ni president-na uko state president-sa seokaha aro State Mahila Morcha Executive Committee-ko re·anggipa July 3 tariko dolni niam gita una on·gimin bilo pangchake office bearer-rang baksa agangrikchengesa ua an·tangan seokaha, Pa Earnes Mawrie ong·ja ine talataniko on·anga baksana, Mahila Morcha-ni sakgittam general secretary-rangkoba niam gitasa seokaha ineba Pariat talataniko on·angaha.
Meghalaya BJP dolo dingtang dingtang manderangni padot ong·e kamko jako ra·mitingo somoio doloni saksa a·gipigipa aro dingtang dingtang kamrangko jako ra·e ka·bagipa state BJP-ni office bearer ong·baenggipa Matilda Kharbuki-ko general secretary-na seokaniara Pa Shangpliang-ni matnanga gita maidake mandetangnasa mikkang nitee dakani ong·skaa ineba ua sing·doaniko dakangaha.
Indake ong·engon, da·odipet BJP State Mahila Morcha -oniko darangkoba BJP-ni skotong dilgipa Pa Earnest Mawrie-chi ba BJP state president Susuki Pariat-chi mikkang niteanio pangchake seoka dongkuja ine State Mahila Morcha Executive Committee-oniba talataniko on·angskaaha.
Iakoba poraie nina man·gen: Manipur golmalo, chelchakgipa dolrang baksa Tengnoupal a·jao gogrikangtaia
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
