Tura, Sept 8: Meghalaya Civil Service Officer’s Association (MCSOA)-ni Annual conference-ko Sukrobar salo Tura-o skanggipa changna chu·soke ong·atangaha aro ia annual conference-o Meghalaya sorkarini Chief Secretary, Pa D P Wahlang, Principal Secretary Pa P Sampath Kumar, Secretary, Education, Personnel aro A R, Pa Ambrose Marak, aro West Garo Hills a·jani Deputy Commissioner Pa Jagdish Chelani-maang bak ra·angaha.
Tura-ni Tree House resort-o conference-ko ong·atanggipao mongsongbate, MSCOA-o chagrongenggipa neng·nikanirang jekai gipin allied service-rangoniko administrative post-na officer-rangko seokaoni, Proforma promotion-rangko on·aniko man·chape minggipinrangko aro somoi gita promotion-rangko on·ani bidingo ning·tue chanchirimaniko dakangaha.
Ia tom·aona mongsonggipa ong·e sokgipa a·dokni Chief Secretary D P Wahlang, Meghalaya Civil Service officer ong·anio bang·a gunrang dongna nangani gimin agangangengon, officer-rango dingtangmancha chakchikani, gipinrangna simsakani, bamani gisik aro chanchina changani gunrang dongna gita nanga ine aganenba, iandakgipa bewalrang baksa songsalna mingnamgipa kamrangchi dakmesoke on·gilanirangko dakna nangani gimin ua aganangaha.
A·dok sorkarini u·ianiona ra·bagimin MCSOA-o chagrongenggipa neng·nikanirangni bidingo aganangskaengon, mitam neng·nikanirangko sorkari namatna gita man·aha aro bangkirangni giminba sorkari kamko ka·enga ine Chief Secretary parakataha.
Unbaksana, state civil service-ko Indian Administrative Service-ona somoi gita ra·doatanio neng·nikanirangko man·enggipani giminba nanga gita gong·rake kamrangko ka·china ua, MCSOA-koba didiangjolaha.
Ia conference-o, MCSOA-ni President aro Director, Information & Public Relations, Malthus S Sangma, MCS baksana, Meghalaya sorkarini Principal Secretary Pa P Sampath Kumar, aro Secretary, Education, Personnel & A R, Ambrose Marak-maangba, uamangni gamchatgipa agan-ku·pattianirangko sakgipinrangna on·an baksa tom·ao aganangaha.
Iakoba poraie nina man·gen: Manipur golmalo, chelchakgipa dolrang baksa Tengnoupal a·jao gogrikangtaia
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
