Guwahati, Jun 14: Manipur a•doko bobil dake chakatgipa dolni membor saksako Sukrobar salo, Assam-ni Special Task Force (STF) rim•na man•aha aro ia mandeoniko military-rangni jakkalgipa drone battery-rangko man•aha.
Koborko on•ani gitade, STF-ni sipairang, Guwahati songjinmani samba jolo donggipa Sonapur Toll Gate-o AS-01FU 3927 gari bolsako rim•soenba, ia garioniko bobil dolni membor saksako rim•na man•aha.
Rim•ako man•gipa mandeara Manipur a•doko donggipa Khaigoulen Gamngai songni bilsi 27 ong•gipa mande ong•achim aro ua bi•sa sakgni baksa ia gario songrebaengachim.
Ia mandeoniko STF-ni sipairang, drone-rango jakkalgipa Military grade 10 TB30 Intelligent Flight Battery-rang baksana gong 3,40,000 tangkarang, jutta jorabri aro mobile phone ge•sako man•aha.
Na·simang ia video-koba nina man·gen:
Na·simang iakoba poraina man·gen: Tura-o World Blood Donors Day-ko manianga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
