Imphal, Mar 12: Manipur a·doko bobil dake chakatenggipa dingtang dingtang dolrangoni sak 12 manderangko chel·chaksoenggipa sipairang dingtang dingtang biaprangoniko rim·aha.
Indake, Kangleipak Communist Party (PWG) bobil doloni sak 7 memberrangko Tera Urak-o a·tip rike dongenggipa biapniko rim·aha aro ia manderangara, Pebam Bishorijit (27), Keisham Bishorijit Singh (28), Warepam Premananda Singh (37), Yambem Shital Singh (35), WM Arif Khan (24), Wahengbam Momocha Meitei (37) aro Loitongbam Hemba Singh (35) ong·a ine u·ina man·aha.
Uamangoniko pistol, guli gnanggipa magazine, SLR aro AK Rifle, BAOFENG handheld set, mobile phone, kebitgipa side bag aro wallet, KCP (PWG)-ni kajina gamani challan receipt, Adhaar Card, Voter ID Card aro gari bolsako rim·na man·aha.
Apsan dake Sanjembam Khullen songoniko am·sandianio Kanglei Yaol Kanna Lup (KYKL)-ni member Konjengbam Ibotomcha Meitei (54)-ko tangka dabidrae ra·anina rim·aha.
Iana agre gipin biaponiko chong·motan, DDK Imphal Gate sepango donggipa Khurai Chingangbam Leikai-oniko, KCP (PWG) doloni Khongbamtabam Nanao Meitei (25) aro Kshetrimayum Roshan Singh (25)-ko mobile Phone aro wallet baksa rim·aha.
Indake, Kakching a·jani Wabagai Makha Leikai Heibongmakhon-oniko KCP (Taibanganba) dolni Maibam Virendrakumar Singh (32)-ko Kakching aro Thoubal a·jaoniko tangka dabidrae ra·ahanina rim·aha aro unbaksana Wangoo Chairel Leingangtabi joloniko People’s Revolutionary Party of Kangleipak (PREPAK Pro) doloni Laishram Tomba (36)-koba rim·aha.
Na·simang ia video-koba nina man·gen:
Na·simang iakoba poraina man·gen: India aro Mauritius-ni PM-rang mingchet MoU-o soi ka•grika
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
