Boko, Feb 8: Sonibar walni 11:30 bajimango, AS-01MA 8365 motorcycle bolsa, Assam aro Meghalaya a·dokrangko nangdimatgipa Boko-Hahim ramao a·sel ong·aha aro ia a·sel ong·anio, bilsi 19 ong·gipa chadambe saksa janggitangko gimaatna nangaha.
Ia motorcycle-ni a·sel ong·aniko da·o dipet tale ma·sikujaenga ine Hahim police outpost-ni in-charge Bijoy Goswami aganahaon, ia motorcycle-ko koela salgipa truck garisa salpake kataha ine songni manderang matnangskaaha.
A·sel ong·ani ja·man saknaa man·gipa mandeko ta·raken Boko primary health centre (PHC)-ona ra·angahachim indiba hospital-ona sokangon uko siaha ine doctor-rang parakataiaha. Sianggipa chadambeni manggisiko police-rang, post mortem ka·na gita Robibar pringo, Gauhati Medical College & Hospital-ona watataha.
Sianggipa chadambeara, Hahim samba jolo donggipa Nalapara songni Tridip Rabha ong·achim ine ma·sina man·aha.
Meghalaya a·dokoniko koela salgipa truck garirang, walni somoirango, Boko-Hahim rama gita Assam-ona skatang gariko salruraengani a·sel ia ramao donggipa manderangna kenchakna nangani ong·enga ine songni manderang matnangtokaha.
Na·simang iakoba nina man·gen:
Na·simang iakoba poraina man·gen: Assam-ni Sipajhar constituency-o CM-ko Gaurav Gogoi matnange agananga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
