SHILLONG, MAR 10: March 9 tariko Them Iew Mawlong-o tarigitikgipa bomako gopretatgipao sawarang jak donga aganna man·gipana Rs 1 lak boksis on·gen ine Meghalaya police jinmana u·iataha.
East Khasi Hillsni SP Rituraj Ravi-ni katta gitade, ia chango boma gopretatani bewalranga skang salrango jaksikgiparangni jakma gitan apsananga, aro jerangkon HNLC an·tangtangan kange ra·aha.
“Indiba ia koborko parakataona kingking darang dolba ia boma gopretataniko kange ra·gipa dongkuja” ine SP aganaha.
Obostarangko nigrike, ong·a obostani bidingo Sadar Police Stationo, Unlawful Activities (Prevention) Act and the Explosive Substances Actni ning·o FIR ka·aha.
March 9 tarikni wal 10:30 bajimango, Mawlonghato donggipa Syndicate Bus Stand jolo IED bomako gopretataha. Uan mande grigipa, tinrangchi kagipa ping·gipa nok ong·achim. Gopretanio sambao donggipa nokni kelki ainarang be·tokaha. Goprete tang·chrichragipa bisemsemrang rama re·enggipa saksako ja·ao nangeaha.
Ia kamko jaksikgiparangni bidingo u·iatna man·ode Rs 1 lak boksis on·gen, aro u·iatgipa mandeni bimingko parakjawa ine East Khasi Hills police u·iataha.
Policeni parakatani gitade, iano on·gipa phone numberona call ba text ba whatsapp ka·e u·iatna man·gen, ba email ka·atna man·gen: phone number 9366790273. Email:[email protected].
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
