Guwahati, July 23: Brahmaputra Valley Fertilizer Corporation Limited (BVFCL)-ko chipchina gita dolsa officer-rangni committee ku·pattianiko on·aha ine Chemicals & Fertilizers-ni Union Minister of State Bhagwanth Khuba-ni parakatani ja·man Sonibar salo, All Assam Students Union (AASU)-ni membor-rang iako jegalgrimenba, Dibrugarh-o jingjengataniko dakangaha.
Union Minister-ni ku·wataniko AASU-ni membor-rang jegalgrimenba, Dibrugarh-o jinma re·jomaniko ong·atangaha aro uni ja·man Union Minister-ni bimangko tarienba so·e galtokaha.
Lok Sabha-o Assam-ni Congress MP Gaurav Gogoi-ni sing·anirangna seachi aganchakaniko on·angengon, 2022 bilsini August 12 tariko, NITI Aayog-ni CEO-ni dilanichi, dolsa officer-rangni committee-ni tom·anio, BVFCL-ko chipchina gita ku·pattianiko on·aha ine re·anggipa July-ni 21 tariko Chemicals & Fertilizers-ni Union Minister of State Bhagwanth Khuba janapatahachim ine nikna man·a.
Dibrugarh a·jani Namrup-o donggipa BVFCL, nanga gita bosturangko bikotna man·jaengani gimin ia karkanako tange rakkianio neng·nikanirangko chagrongna nangengachim ineba nikna man·a.
Iakoba poraie nina man·gen: Tura-ni Mothers Union, Manipur-o ong·gipa obostako jegale Chandmari kal·chakramo bi·rimaniko dakdilanga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
